Liivuru Oopacerya a Matharihelo 24:1-31
24 Makhuuru a muyareriwo wa Aroni yaari ala: Anamwane a Aroni yaari Natapi, Apihu, Eliyasare ni Itamari.
2 Nyenya, Natapi ni Apihu yaakhwile apapa aya ehaakumve okhwa, nave awo hiyaarinono anamwane; nto Eliyasare ni Itamari yaatitelela orumeela ntoko alipa a mukucho.
3 Tavite, vamoha ni Satoki a anamwane a Eliyasare ni Ahimeleki a anamwane a Itamari, aahaakawanya mmakhuuru alipa a mukucho ntakhara muteko aya.
4 Woona wi anamwane a Eliyasare yaakhalano ahooleli ancipale waapwaha anamwane a Itamari, awo yaakawanyiwa mmakhuuru: Wa anamwane a Eliyasare yaakhalavo ahooleli a ichoko sa makholo aya khumi nathanu nammoha, wa anamwane a Itamari yaakhalavo ahooleli a ichoko sa makholo aya thanu nararu.
5 Ohiya yeeyoru, awo yaahaakawanya moorweela wa ehako, nikhuuru nimoha vamoha nnikina, woona wi yaakhalavo ahooleli a nipuro naweela vamoha ni ahooleli a Muluku eeparipari yaarweela wa anamwane a Eliyasare ni wa anamwane a Itamari.
6 Voocharela, mulipa oorepa a Alevi, Semaiya mwaana a Netaneli, aarepa masina a alopwana yaala vamiithoni va mwene, wa asitokweene, wa mulipa a mukucho Satoki, wa Ahimeleki mwaana a Apiyatare, ni wa ahooleli a imusi sa alipa a mukucho ni sa Alevi; aanathanliwa mmoha a emusi ya Eliyasare ni mmoha a emusi ya Itamari.
7 Ehako yoopacerya yaamorenle wa Yehoyaripe; yanaawiili wa Yetaiya,
8 Yaneeraru wa Harimu, yaneexexe wa Seyorimi;
9 yaneethanu wa Malikiya, yaneethanu nammoha wa Miyamini;
10 yaneethanu napiili wa Hakosi, yaneethanu nararu wa Apiya;
11 yaneethanu naxexe wa Yesuwa, yaneekhumi wa Sekaniya;
12 yaneekhumi nammoha wa Eliyasipi, yaneekhumi napiili wa Yakimi;
13 yaneekhumi nararu wa Hupa, yaneekhumi nasese wa Yesepiyapi;
14 yaneekhumi nathanu wa Pilka, yaneekhumi nathanu nammoha wa Imeri;
15 yaneekhumi nathanu napiili wa Heseri, yaneekhumi nathanu nararu wa Hapisesi;
16 yaneekhumi nathanu naxexe wa Petaiya, ya makhumi meeli wa Yesikeli;
17 ya makhumi meeli nammoha wa Yakini, ya makhumi meeli napiili wa Kamuli;
18 ya makhumi meeli nararu wa Telaiya, ya makhumi meeli nasese wa Masiya.
19 Iha miteko saya vaavaa yaavolowaaya mu empa ya Yehova mwawiiwanana ni sooleeliherya saatikitheryiwe ni Aroni nikholo naya, hiiha ntoko Yehova Muluku a Isarayeli aamulamulenleiye.
20 Nave wa Alevi oohalela wa anamwane a Amirami, aakhalavo Supayeli; wa anamwane a Supayeli Yetaiya;
21 wa Rahapiya: anamwane a Rahapiya, Isiya Muhooleli;
22 wa nloko na Isari, Selemoti; wa anamwane Selemoti, Xaati;
23 wa anamwane a Heporoni, Yeriya muhooleli, Amariya anaawiili, Yahasiyeli aneeraru, Yekamiyami aneesese;
24 wa anamwane a Usiyeli, Mika; wa anamwane a Mika, Samiri.
25 Munnawe Mika aari Isiya, wa anamwane a Isiya aari Sakariya.
26 Anamwane a Merari yaari Mali ni Musi; wa anamwane a Yasiya, Peno.
27 Anamwane a Merari: Wa Asiya, Peno, Sohami, Sakuri, ni Ipiri;
28 wa Mali, aakhalavo Eliyasare, yoowo ahaarino anamwane aasilopwana;
29 wa Kisi: anamwane a Kisi, Xeramayeli;
30 nave anamwane a Musi yaari Mali, Eteri, ni Yeremoti. Ala yaari anamwane a Levi moorweela wa imusi sa makholo aya.
31 Nave tho awo yaavonya ihako hiiha ntoko asinnaya, anamwane a Aroni yenraayano vamiithoni va mwene Tavite, wa Satoki, wa Ahimeleki, wa ahooleli a imusi sa makholo sa alipa a mukucho ni sa Alevi. Emusi ya makholo ya mwaana oopacerya yaakhalihiwa mmukhalelo mmohamoha ni mwaana a mukhaani.
