Liivuru Oopacerya a Matharihelo 26:1-32
26 Makhuuru a alipeleli a milako yaari ha: Wa Akowatita, aakhalavo Meselemiya mwaana Kore a anamwane a Asafi.
2 Nave Meselemiya aakhalano anamwane ala: Sakariya mwaana oopacerya, Yetiyayeli anaawiili, Sepatiya aneeraru, Yatiniyeli aneesese,
3 Elami aneethanu, Yehohana aneethanu nammoha, Eliyohenai aneethanu napiili.
4 Nave Opeti-etomi aakhalano anamwane: Semaiya mwaana oopacerya, Yehosapati anaawiili, Yowa aneeraru, Sakar aneexexe, Netaneli aneethanu,
5 Amiyeli aneethanu nammoha, Isakari aneethanu napiili, ni Peuletai aneethanu nararu; woona wi Muluku aamureeliha Opeti-etomi.
6 Nave Simeiya, aakhalano anamwane yaawo aayanreiye yaari ahooleli a imusi sa makholo aya, woona wi awo yaari oowerya, ni akuru.
7 Anamwane a Semaiya: Otini, Refayeli, Opeti, ni Elisapati; nave asinnawe Elihu ni Semakiya yaari tho alopwana akuru.
8 Oothene yaala yaari anamwane a Opeti-etomi; awo ni anamwane aya vamoha ni asinnaya yaari alopwana akuru ni oophwanelela ntakhara muteko; yaari makhumi mathanu nammoha ni achu apiili a Opeti-etomi.
9 Nave Meselemiya aakhalano anamwane ni asinnawe, khumi nathanu nararu alopwana oowerya.
10 Hosa a anamwane a Merari aakhalano anamwane. Simiri aari muhooleli, naamwi owo ahaari mwaana oopacerya, apapa awe yaamuthanla okhala muhooleli.
11 Hilikiya anaawiili, Tepaliya aneeraru, Sakariya aneexexe. Anamwane a Hosa ni asinnawe yaari khumi nararu.
12 Ahooleli a makhuuru yaala a alipeleli a milako yaakhalano mirici sa waakhwaniherya muteko wa empa ya Yehova, hiiha ntoko asinnaya yeeraaya.
13 Yaaheeherya ihako variyari va imusi sa makholo aya, wa akhaani ni atokweene wi elakelele taani aahaala okhalaka mmilakoni.
14 Voocharela, ehako ya makupa onakhumawo nsuwa yaamorenle wa Selemiya. Mwawiihiiha, saaheeheriwa ihako wa mwaana a Sakariya, namiruku oosuwela nave owo aahaakhela makupa onayawo echeku ya murupi.
15 Opeti-etomi aathanleliwe makupa oohico, nave anamwane awe yaathanleliwa muteko wa ovareryela mapuro ookhapelelamo.
16 Supimi ni Hosa yaakhala makupa onayawo nsuwa, waacamela o mulako Saleketi, o ephiro enawela. Nikhuuru nimoha na alipeleli naakhala makupa a nikhuuru nikina na alipeleli.
17 Yaakhalavo Alevi athanu nammoha makupa onakhumawo nsuwa, nave nihiku ti nihiku yaanakhalavo Alevi axexe makupa oomoko ni axexe makupa oohico. Mmapuro a okhapelelamo yaanakhalamo alipeleli apiili, vakhiviru va alipeleli apiili.
18 Nipithela na makupa onayawo echeku ya murupi, yaakhalawo Alevi axexe makupa oramphani nave apiili opithela.
19 Ala yaari makhuuru a alipeleli a milako a anamwane a nihimo na Akowati ni a nihimo na Amerari.
20 Variyari va Alevi, Aiya taari muhooleli a muhakhu wa empa ya Muluku eeparipari ni muhakhu wa ichu saweelihiwa.*
21 Anamwane a Latani: Wa anamwane a nihimo na Axersonita yaari a muyareriwo wa Latani, ahooleli a imusi sa Latani, Muxersonita, aakhalavo Xeyeli.
22 Nave anamwane a Xeyeli, Setami ni munnawe Yoweli. Awo yaari ahooleli a muhakhu wa empa ya Yehova.
23 Wa Ameramita, Asarita, Aheporonita, ni a Usiyelita,
24 Sepuweli mwaana a Xersoni, mwaana a Mose aari muhooleli a mapuro ookhapelelamo.
25 Vooloca sa asinnawe a Eliyeseri, aakhalavo Rahapiya mwanawe, Xesaiya mwanawe, Yorami mwanawe, Sikiri mwanawe, ni Selemoti mwanawe.
26 Selemoti yoola ni asinnawe yaari ahooleli a muhakhu woothene wa ichu saweelihiwa, seiho mwene Tavite, ahooleli a imusi sa makholo, asitokweene a makhuuru ncikhwi ni a makhuuru masana vamoha ni ahooleli a anakhoco yeelinhaaya.
27 Awo yaaheeliha ichu seiho yaakunxaaya okhoconi wi erehereryekeno empa ya Yehova;
28 saakhalavo tho soothene seiho Samuwele mulipa awoona, Sawuli mwaana a Kixi, Apineri mwaana a Neri, ni Yowape mwaana a Seruya yeelinhaaya. Soothene seiho muchu eeliheiye, saathokororyiwa ni Selemoti vamoha ni asinnawe.
29 A Isarita, Kenaniya vamoha ni anamwane awe yaathanleliwe wi enalapa miteko sa vaate, ntoko asitokweene ni athoriha a Isarayeli.
30 Wa Aheporonita aakhalavo Hasapiya ni asinnawe ncikhwi nimoha ni masana mathanu nameeli* alopwana oowerya. Awo yaakhalano Murici wa ohoolela o Isarayeli makupa onayawo echeku ya murupi o Yortano, vooloca sa muteko ori woothene wa Yehova ni muteko wa mwene.
31 Wa Aheporonita, Xeriya aari muhooleli a Aheporonita mwawiiwanana ni muyareriwo wa imusi sa makholo aya. Mu eyaakha ya makhumi maxexe ya olamulelo wa Tavite waapakiwa otholathola nave yaaphwanyiwa variyari va yaawo alopwana oowerya ni akuru o Xaseri eelapo yo Kiliyati.
32 Nave asinnawe yaari macikhwi meeli ni masana mathanu nameeli* alopwana oowerya, ahooleli a imusi sa makholo. Mwawiihiiha, mwene Tavite aahaathanla wi ehooleleke nihimo na Rupeni, na Kati, ni eriyari ya nihimo na Manase wi enathokororya miyaha soothene sa Muluku eeparipari ni sa mwene.
