Liivuru Oopacerya a Matharihelo 4:1-43
4 Anamwane a Yuta yaari Peresi, Esironi, Ur ni Sopali.
2 Reyaya, mwaana a Sopali, aamuyara Xati; Xati aamuyara Awumai ni Lati. Ala yaari a emusi ya Asoratita.
3 Ala yaari anamwane a apapaawe Etami: Xesereyeli, Isima, Mikipasi (nave murokora aya iichaniwa Haseleleponi).
4 Apapaawe Xetor yaari Penuweli, nave apapaawe Husa yaari Eser. Ala yaari anamwane a Ur, mwaana oopacerya a Efrata apapaawe Petelehemu.
5 Hasuri apapaawe Tekowa, yaakhalano athiyana apiili: Hela ni Nara.
6 Nara aamuyarela anamwane ala: Ahusami, Heferi, Temeni ni Hastar. Ala yaari anamwane aasilopwana a Nara.
7 Nave anamwane a Hela yaari Sereti, Isar, ni Etina.
8 Kosi aamuyara Anupi, Sopapi ni imusi sa Ariyeli, mwaana a Harumi.
9 Xapesi* aanacicimihiwasa waapwaha asinnawe. Amamaawe yaamuchunwe ni nsina na Xapesi, eriki: “Kaamuyanre mweekoyini.”
10 Xapesi aahimveka Muluku a Isarayeli, ariki: “Mwaari hiiha mukireelinhe nave mwaaceerenrye muceche aka! Ntata nanyu nikhale ni miyo nave mukikhapelele wa epahu, wi eyo ehikihooxe!” Mwawiihiiha, Muluku aahimvaha yeeyo aavenkeiye.
11 Kelupi, munna a Suwa, aamuyara Meheri, apapaawe Estoni.
12 Estoni aamuyara Peterafa, Paseya ni Teina, apapaawe Irnasi. Ala yaari alopwana o Reka.
13 Anamwane a Kenasi yaari Otiniyeli ni Seraiya. Mwaana* a Otiniyeli aari Hatate.
14 Meyonotai aamuyara Ofra. Seraraiya aamuyara Yowapi, apapa awe Keharasimi,* yaawo yaakhenle nsina nenla woona wi yaari alipa oohana.
15 Anamwane a Kalepe, mwaana a Xefune, yaari Iru, Ela ni Nami. Mwaana* a Ela aari Kenasi.
16 Anamwane a Xehalele yaari Sife, Sifa, Tiriya ni Asareli.
17 Anamwane a Esira yaari Yeter, Mereti, Eferi ni Xaloni. Ola* aarupala nave amuyara Miriyamu, Samai ni Ispa, apapaawe Estemowa.
18 (Nave amwaariye yaawo yaari Muyuta yaahimuyara Xereti, apapaawe Xetor; Eperi, apapaawe Soku; ni Sikutiyeli, apapaawe Sanowa.) Ala yaari anamwane aasilopwana a Pitiya, mwaana a Farawo, yoowo aatheliwe ni Mereti.
19 Anamwane a mwaara Hotiya, murokora a Nahami asipapa aya yaari o Keila, o Kamita, ni O Estamowa, o Makatita.
20 Nave anamwane a Simoni yaari: Aminoni, Rina, Peni-hanani ni Tilomi. Anamwane a Isi yaari Soiti ni Pensoweti.
21 Anamwane a Sela, mwaana a Yuta, yaari Eri, apapaawe Leka, Lata, apapaawe Malesa; imusi sa alipa opaka ikuwo soovyavyaala a echoko ya Aspeya,
22 ni Xowakimi, alopwana o Kesepa, Xowasi, Sarafi, yaawo yaathenle athiyana o Mowapi ni Xasupi-lehemu. Soorepela seiha ti sakhalai.*
23 Awo yaari alipa awuupa miyapu yaakhala o Netaimi ni o Ketera. Yaakhala weiwo nave yaalapa ntakhara mwene.
24 Anamwane a Simoni yaari Nemuweli, Xamimi, Xaripe, Sera ni Sawuli.
25 Salumi aari mwanawe, Mipasami mwanawe, ni Misima mwanawe.
26 Anamwane a Misima yaari Hamuweli mwanawe, Sakuri mwanawe, Simei mwanawe.
27 Simei aarino anamwane aasilopwana khumi nathanu nammoha ni aasithiyana athanu nammoha. Nyenya asinnawe hiyaarino anamwane ancipale, nave haavo a imusi saya aarino anamwane ancipale waapwaha alopwana o Yuta yaaryaayano.
28 Awo yaakhala o Persepa, o Molata, o Hasari-suwali,
29 o Pila, o Esemi, o Tolati,
30 o Petuweli, o Harma, o Sikalaki,
31 o Pete-markapoti, o Hasari-susimi o Petepiri, ni o Saraimi. Iha saari ipooma saya ophiyerya olamulelo wa Tavite.
32 Mmiceche saya soomakiwa saari Etami, Aini, Rimoni, Tokeni, ni Asani, ipooma thanu,
33 vamoha ni miceche saya soomakiwa saakhala moorukurerya ipooma seiha ophiyerya o Pali. Iha soorepela sa makholo aya ni mapuro yaakhalaayamo.
34 Mesopapi, Xamileki, Xosahi, mwaana a Amasiya;
35 Yoweli, Xewu, mwaana a Yosipiya, mwaana a Sereiya, mwaana a Asiyeli,
36 Eliyohenai, Xakopa, Yosowaiya, Asaiya, Atiyeli, Xesimiyeli, Penaiya;
37 ni Sisa mwaana a Sifi, mwaana a Loni, mwaana a Xetaiya mwaana a Sinri, mwaana a Semaya;
38 Yaala yaarepeliwe masina, yaari ahooleli a imusi, nave ichoko sa makholo aya saanaaceereryeya.
39 Awo yaakele o Ketor, ophiyerya o mpopa makupa onakhumawo nsuwa, wi yaavye munyepu ntakhara mihuwo saya.
40 Nave ohoolo waya yaaphwanya munyepu waphaama ni wawaaca, nave elapo yaari etokweene, yoomaaleleya ni ya murecele. Yaakhala weiwo wuupaceryani, yaari Akamita.
41 Mmahiku a Esekiya mwene o Yuta, alopwana yaala yaarepeliwe masina, yaapwaha ni ehiphela mixakala sa Akamita ni sa Ameunimi yaawo yaakhala weiwo. Awo yaahaatoloxa, ntoko enaweryaaya wooneya ophiyerya olelo. Awo yaakhala mmapuro aya, woona wi waakhalawo munyepu ntakhara mihuwo saya.
42 Achu akina a Simiyone yaaya o mwaako wo Seiri. Yaari alopwana masana mathanu* ehooleliwaka ni Pelatayi, Meyariya, Refaiya, ni Osiyeli anamwane a Isi.
43 Awo yaahiwiipha oohalela a Amaleki, yaawo yaakophonle, nave anakhala weiwo ophiyerya olelo.
Inoota
^ Nsina nawi Xapesi akhweya nniiwanana ni nsu na Eheepiri nnataphulela ”ekoyi.”
^ Mu Ehepiri, “anamwane.”
^ Nenlo nnataphulela “mpopa wa alipa oohana.”
^ Mu Ehepir, “anamwane.”
^ Naari akhweya: “onaahiwa Pitiya, onalociwa mu eversikulu ya 18.”
^ Naari: “Sooloca seiha mihapo sakhalai.”
^ 500.
