Liivuru Oopacerya a Matharihelo 7:1-40
7 Anamwane a Isakari yaari: Tola, Puwa, Yasupi, ni Simironi, asese.
2 Anamwane a Tola yaari: Usi, Refaya, Xariyeli, Xamai, Apisami, Samuwele, ahooleli a imusi sa makholo aya. Variyari va muyareriwo wa Tola yaakhalavo anakhoco oowerya mmahiku a Tavite yaakhwana macikhwi meeli nameeli ni masana mathanu nammoha.*
3 Muyareriwo* wa Usi yaari Isaraiya vamoha ni anamwane a Isaraiya: Mikayeli, Opatiya, Yoweli, ni Isiya, oothene yaala athanu yaari ahooleli.*
4 Nave ni yaawo mwawiiwanana ni muyareriwo aya, ni imusi sa makholo aya, yaakhalawo anakhoco macikhwi makhumi mararu ni athanu nammoha* yaari ooreheryeya ntakhara ekhoco, woona wi yaakhalano asaaraya ancipale ni anamwane.
5 Asinnaya, oothene a imusi sa Isakari, yaari anakhoco oowerya. Oothene yaakhwana macikhwi makhumi mathanu nararu ni alopwana athanu napiili,* mwawiiwanana ni orepeliwa wa elista ya makholo aya.
6 Anamwane a Penxami yaari, Pela, Pekeri, ni Xatiyeli, araru.
7 Anamwane a Pela yaari: Esponi, Usi, Usiyeli, Yeremoti ni Iri, athanu. Awo yaari ahooleli a imusi sa makholo aya ni anakhoco oowerya. Elista ya orepeliwa wa makholo aya yaari macikhwi makhumi meeli nameeli ni alopwana makhumi mararu nasese.*
8 Anamwane a Pekeri yaari: Semira, Yowasi, Eliyeseri, Eliyohenai, Omiri, Yeremoti, Apiya, Anatoti ni Alimeti. Oothene yaala yaari anamwane a Pekeri.
9 Orepeliwa wa makholo aya mwawiiwanana ni makholo aya, vooloca sa ahooleli a imusi sa makholo aya, yaakhwana anakhoco oowerya macikhwi makhumi meeli ni masana meeli.*
10 Anamwane a Xetiyayeli yaari: Pila nave anamwane a Pila yaari: Xewusi, Penxami, Ewuti, Kenana, Setani, Tarsisi ni Aiyasare.
11 Oothene yaala yaari anamwane a Xetiyayeli, mwawiiwanana ni ahooleli a imusi sa makholo aya. Yaakhalavo anakhoco oowerya macikhwi khumi nathanu napiili ni masana meeli *ooreheryeya wi yawane ekhoco.
12 Asupini ni Ahupini yaari anamwane a Iri; Ahusini yaari anamwane a Aheri.
13 Anamwane a Nafitali yaari: Xasiyeli, Kuni, Xeseri ni Salumi. Ala yaari muyareriwo wa* Piliha.
14 Anamwane a Manase: Asiriyeli, yoowo mpwana awe o Siriya aamuyanreiye. (Owo aamuyara Makiri apapa awe Kiliyati.
15 Makiri aamwaavya muthiyana ntakhara Hupimi ni Supimi, nave murokora awe iichaniwa Maka.) Mwanawe anaawiili iichaniwa Selofiyati, nyenya Selofiyati aarino pahiru anamwane aasithiyana.
16 Maka, mwaara a Makiri, aamuyara mwaana nave emuchuwa ni nsina na Peresi; nsina na munnawe eeriwa Serexi; nave anamwane awe yaari: Ulami ni Rekemi.
17 Mwaana a Ulami aari Petani. Ala yaari anamwane a Kiliyati, mwaana* a Makiri, mwaana a Manase.
18 Murokora a Kiliyati iichaniwa Hamoleketi. Ola aamuyara Isoti, Apiyeseri ni Mahala.
19 Nave anamwane a Semita yaari: Ahiyani, Sikemi, Liki, ni Aniyami.
20 Anamwane a Efraimu, yaari: Sutela, Pereti mwanawe, Tahati mwanawe, Eleyata mwanawe, Tahati mwanawe;
21 Sapati mwanawe, Satula mwanawe, Aseri ni Eleyati. Alopwana o Kati yaaya wiiya muhuwo wa anamwane a Efraimu nave emwiipha Eser ni Eleyati.
22 Apapa aya Efraimu, yaahinla mahiku mancipale nave asinnaya yaayawo wi yaahakararye.
23 Ohoolo waya owo aakona ni amwaariye nave awo yaarupala emuyara mwaana amwaamulopwana. Owo aamuchuwa ni nsina nawi Periya, woona wi ola aamuyanre elukuluku yeeyo epahu yaaphin’yaaya veechokoni vawe.
24 Mwanawe a mwaamuthiyana iichaniwa Sera yoowo aamutenke Petehoroni oohico ni oomokoni vamoha ni Useni-sera.
25 Aakhalavo Refa mwanawe; Resefi; Tela mwanawe; Tahani mwanawe;
26 Latani mwanawe, Amihuti mwanawe, Elisama mwanawe;
27 Nuni mwanawe, ni Yosuwa* mwanawe.
28 Ilapo saya ni miceche saya soomakiwa saari o Peteli ni miceche saya soorukurerya, o Nahara makupa onakhumawo nsuwa, o Xeseri ni miceche saya soorukurerya makupa onayawo nsuwa, o Sikemi ni miceche saya soorukurerya, ophiyerya o Aiya* ni miceche saya soorukurerya;
29 nave waacamela makupa a muyareriwo wa Manase, saakhalawo Peteseyani ni miceche saya soorukurerya, Taneki ni miceche saya soorukurerya, Mexitu ni miceche saya soorukurerya, vamoha ni Tor ni miceche saya soorukurerya. Muyareriwo wa Yosefe mwaana a Isarayeli waakhala mu ipooma seiho.
30 Anamwane a Aseri yaari: Imina, Isiva, Isivi ni Periya, nave murokora aya iichaniwa Sera.
31 Anamwane a Periya yaari Eperi ni Malkiyeli, yaawo yaari apapa awe Pirsaiti.
32 Eperi aamuyara Yafeti, Someri, ni Hotami, nave murokora aya iichaniwa Suwa.
33 Anamwane a Yafeti yaari Pasaki, Pimahali, ni Asiveti. Ala yaari anamwane a Yafeti.
34 Anamwane a Simeri* yaari Ayi, Roka, Xewupa, ni Arami.
35 Anamwane a Helemi,* munnawe, yaari Sofa, Imina, Selesi ni Amali.
36 Anamwane a Sofa yaari Suwa, Arneferi, Suwali, Pere, Imira,
37 Peseri, Hoti, Samima, Silisa, Itirani ni Pehera.
38 Anamwane a Xeteri yaari Xefune, Pispa ni Ara.
39 Anamwane a Ula yaari Ara, Haniyeli ni Risiya.
40 Oothene yaari anamwane a Aseri, ahooleli a imusi sa makholo aya, anakhoco oowerya, ahooleli a asitokweene. Mwawiiwanana ni orepeliwa wa makholo aya, yaari anakhoco macikhwi makhumi meeli ni athanu nammoha* yaawo yaari ooreheryeya oya okhoconi.
Inoota
^ 22.600.
^ Mu Ehepiri, “anamwane.”
^ Mu Ehepiri, “miru.”
^ 36.000.
^ 87.000.
^ 22.034.
^ 20.200.
^ 17.200.
^ Mu Ehepiri, “anamwane a.”
^ Mu Ehepiri, “anamwane.”
^ Naari: “Yehosuwa,” nnataphulela “Yehova ti mvuluxa.”
^ Naari akhweya: “Kasa,” nyenya ohiya Kasa o Filistiya.
^ Mu eversikulu 32 oniichaniwa tho Someri.
^ Enakhala woona wi mmohamoha Hotami onalociwa mu eversikulu 32.
^ 25.000.
