Masiposipo 23:1-35
23 Wakiraathi wi olye ni mwene,Ovareryele phaama yeeyo eri ohoolo waa;
2 Wiikuherye mwaalo vammiloni vaa,*Wakhala wi onnachunaxa olya.
3 Ohichune soolya sawe soosiva,Woona wi soolya soowoka.
4 Ohiivelavelihexa wi ophwanye muhakhu.
Weemele nave wooniherye wiiwexexa.*
5 Vaavaa miitho aa anavareryaaya, muhakhu owo onnacakanela,Woona wi owo chiryene onnamela moophelo ntoko enaka nave onnavavela osulu.
6 Ohilye yoolya ya muchu awuurela;*Ohichune soolya sawe soosiva,
7 Tiwi, owo onalikana ni muchu yoowo onaalakhanyerya seiho inonken’ye.
Owo onnaloca ariki: “Olye nave owurye,” nto hanaloca ni murima woothene.*
8 Onarwa orapheya yavakhaani yeeyo olyilaaweNave masu aa oothamalela eni ekhale asiiyo.
9 Oheererye omuhusiha mulolo,Woona wi owo anarwa athanya miruku sa masu aa.
10 Ohixovihe minlaano sakhalaiNaari mano ovolowa mu emaca ya ikwaasuni.
11 Tiwi, Mwaakiha* aya takuru;Owo onamwaakiha mulacu aya ni weyo.
12 Weemererye olaka ni murimaa wootheneNave ohule maaru aa ntakhara masu a masuwelelo.
13 Ohihiye omulaka mwaana.*
Wammana ni ekopo, owo hakhwa.
14 Onaphwanela ommana ni ekopo,Wi omvuluxe wa Mahiye.*
15 Mwanaka, murimaa wakhala wa miruku,Murima aka onamuhakalala.
16 Kinamuhakalala mpuwa mwaka*Vaavaa iyano saa ineeraaya iloceke yeeyo eri yawookololowa.
17 Murimaa ohaakhalele nrima alipa oocheka,Nto omooveke Yehova nihiku noothene,
18 Tiwi weerano hiihaa, onamukhalano omwaahiyu waphaama,Nave hiwaakhiwa* ewehereryo aa.
19 Mwanaka, owiriyane nave okhale a miruku,Nave weeciheke murimaa mu ephiro yawookololowa.
20 Ohikhaleke vamoha ni achu oowuryaxa eviinyu,Naari mano ni yaale ookhuuraxa emece,
21 Tiwi, oowuryaxa ni anamalya anarwa ehaawa,Nave ikhove inarwa saawariha macapwaca.
22 Waawiriyane apapaa yaawo eerinhe wi oyariwe,Nave ohaathanye amamaa pahiru nthowa nawi ahuuluvala.
23 Othume* eparipari nave ohirwe otumihe yeeyo,Othume tho miruku, malakiheryo* ni wiiwexexa.
24 Tiithi a muchu awookololowa murima onarwa achapa chiryene,Yoole ori tiithi a mwaana a miruku onarwa ahakalala wanthowa na yoowo.
25 Apapaa ni amamaa enarwa ehakalala,Nave amamaa enarwa echapa.
26 Mwanaka, okivahe murimaa,Nave miitho aa ehakalaleke ni iphiro saka.
27 Tiwi, capaheya nlici nawiixa,Nave muthiyana aweeca pure* ekhokwe yoonimuwa.
28 Owo onniipitha ntoko mpava,Nave onnawaaceererya alopwana oohiroromeleya.
29 Taani otakhaliwe? Taani orino wuukhuwa?
Taani orino owanawana? Taani orino okhupanya?
Taani orino makhwaca ohirivo nthowa? Taani orino miitho oophilivila?
30 Ti yaale anamaliha elukuluku yincipale ewuryaka eviinyu,Yaale anaavya* eviinyu yawaakanyeryiwa.
31 Ohikuxeye murima ni ophilivila wa eviinyu,Naari wanthowa na waarya waya mukoophoni ni okhuwaliha waya murima yaawuryiwaka.
32 Tiwi, wookuchulani, eyo ennaluma ntoko enowa,Nave eri ntoko esenya yawiipha ya evili.
33 Miitho aa anamoona ichu soohisuwanyeya,Nave murimaa onamuloca ichu sootakhala.
34 Nave weyo onamukhala ntoko muchu okonne veeri va ephareya,Ntoko muchu okonne oponta wa mwiri woorakama* wa mwaaceya.
35 Onarwa oloca: “Awo aakipocola, nto nkonne wiicela.
Awo aakimana, nto kihoonaru echu.
Kini kivinye liini?
Kinnachuna yoowurya ekina.”*
Inoota
^ Naari: “Wiivareryeleke.”
^ Naari akhweya: “ohiroromeleke wiiwexexa waa.”
^ Naari: “yoole a niitho nootakhala; anrima.”
^ Mu Ehepiri, “nto murima awe hori ni weyaano.”
^ Mu Ehepiri, “Moopoli.”
^ Naari: “ponkwe; mmiravo.”
^ Naari: “Seyoli,” ela tiwi, nipuro achu oothene anavithiwaayawo. Moone Masu Atharihiwe.
^ Mu Ehepiri, “Ikhopela saka inarwa ihakalala.”
^ Naari: “hekwasiwa.”
^ Naari: “Ophwanye.”
^ Naari: “olaka.”
^ Mu Ehepiri, “a elapo ekina.” Moone Masiposipo 2:16.
^ Naari: “anathukumana wi elawihe.”
^ Mwiri yoowo onakhala veeri va mwaaceya ntoko poco.
^ Naari: “Kinaya waavya wanaawiili.”
