Masiposipo 3:1-35
3 Mwanaka, ohicuwale mahusiheryo aka,*Nave murimaa ochariheke malamulo aka,
2 Tiwi, awo anahaala owaaceererya mahiku mancipaleNi iyaakha sa okumi ni murecele.
3 Ohihiye osivela woororomeleya ni ororomeleya.*
Wiiwarihele muxikoni mwaa;Orepe yaawo va ethaapwa ya murimaa;
4 Hiihaa, onarwa ophwanya weemereryiwa ni miruku mincipaleVamiithoni va Muluku ni va achu.
5 Omuroromeleke Yehova ni murimaa woothene;Ohiroromeleke* osuwela waa.
6 Omuupuweleke yoowo mu iphiro saa soothene,Nave owo onarwa ookolola iphiro saa.
7 Ohiroromeleke miruku saa.
Omooveke Yehova nave orapeleke yoonanara.
8 Moorweela wa weerano hiihaa,Oni okhale murece wa mwiili aa* ni yookhuwaliha ya* makhuva aa.
9 Omucicimiheke Yehova ni ichu saa sookhweleya,Ni sawiima soopacerya* sa mmacani mwaa;*
10 Hiihaa, makhupi aa anarwa esareya mwawaakhwanela,Nave mikoro* saa sinarwa sisareya ni eviinyu evyaani.
11 Mwanaka, ohinyemule olaka wa Yehova,Nave ohikhooce osamela wawe,
12 Tiwi Yehova onnaasamela oothene yaale onaasiveleiye,Hiihaa ntoko tiithi oneereiye ni mwanawe oosiveliwa.
13 Oohakalala muchu yoowo onaphwanya mirukuNi muchu yoowo onakhalano wiiwexexa;
14 Ophwanya miruku ti waphaama opwaha ophwanya eparata,Nave okhalano seiho* ti waphaama opwaha okhalano ooru.
15 Miruku ti sookhweleyaxa opwaha maluku ookhweleya;*Wa soothene onachunaawe hiyaavo enaphwanaphwana ni seiho.
16 Ontatani naya noolopwana wookhalawo okumi wawaaca;Ontatani naya noothiyana wookhalawo muhakhu ni ncicimiho.
17 Meecelo aya toohakalaliha,Nave iphiro saya soothene ti sa murecele.
18 Iho mwiri wa okumi wa yaale anaakeelela seiho,Nave yaale anatitelela opharelela seiho anamweeriwa oohakalala.
19 Yehova ootikitherya mathipelo a elapo ni miruku.
Owo ootikitherya erimu apharihelaka wiiwexexa.
20 Ni osuwela wawe maahi awiixa tiyaahulen’yaaya,Nave meeku yaahiimiha nikami.
21 Mwanaka, ohicuwale seiha.*
Okhapelele miruku soophara muteko ni mavyakelo a wuupuwela;
22 Iho sinamoovaha okumiNave sinamukhala sawiireeriha sa muxikoni mwaa;
23 Hiihaa, onamweecaka mookhapeleleya mphironi mwaa,Nave nnaani naa hinrwa nikwaculiwa.*
24 Wakona, hiwoovakaru;Onahaala okona, nave ikhove saa sinahaala okhala saphaama.
25 Hiwoovakaru yawoopiha yootutuxa,Naari mano echeku etokweene eni yaaphacuwele achu ootakhala.
26 Tiwi Yehova onahaala okhala ehime aa ya nroromelo;Owo onahaala okhapelela nnaani naa wi ohiheiwe.
27 Ohooceele oweerela yaphaama yaale onaphwanelaawe oweerela,*Wakhala wi wookhalano owerya* wa waakhaviherya.
28 Ohiloce wa mwaacamani aa “Hawe oroweke, okooke elukuluku ekina! Omeelo kinamoovaha echu,”
Oneera orinono echu ya omvaha hiihaano.
29 Ohuupuwele omweerela yoonanara mwaacamani aa,Yoowo waacamannaaweno nave onoororomela.
30 Ohaakhulane ni muchu nihirivo nthowaYoowo ohiweerenle yoonanara.
31 Ohimukhalele nrima muchu oowaliNaari mano ohithanle meecelo awe,
32 Woona wi Yehova onnamuthanya muchu oowoka,Nto Owo onnakhalano onthamwene wawaacameleya ni achu awookololowa murima.
33 Wuulumela wa Yehova ori mmavaate mwa achu ootakhala,Nto owo onnareeliha ichoko sa achu awookololowa murima.
34 Tiwi owo onnaanyemula achu oonyemula,Nto onnawooniherya mahala achu awiichacala.
35 Achu amiruku anamwaakhela ncicimiho,Nto alolo annatheteiwa elammwe.
Inoota
^ Naari: “nlamulo naka.”
^ Naari: “eparipari.”
^ Mu Ehepiri, “Ohiixeerye.”
^ Mu Ehepiri, “mutekhu aa.”
^ Naari: “nlipiho na.”
^ Naari: “nikupa naphaamaxa.”
^ Naari: “sa ichu soothene ophunraawe.”
^ Naari: “mapuro a omuhowelavo uuva.”
^ Naari: “okhalano seiho ntoko yawiiphwanyerya.”
^ Moone Masu Atharihiwe.
^ Wonaru inaahiwa mikhalelo sa Muluku seiho iromoliwe muculi.
^ Naari: “nimana echu vyakala.”
^ Naari: “yaale anachuna nikhaviheryo.”
^ Naari: “Waarino owerya mmatani mwaa.”
