Masiposipo 5:1-23
5 Mwanaka, owiriyane phaama miruku saka.
Owiriyane moopwacha wiiwexexa waka,
2 Wi okhapelele mavyakelo aa awuupuwelaNi ilukuluku soothene oloceke mwawiiwanana ni masuwelelo eeparipari.
3 Iyano sa muthiyana aweeca pure* sinnaconya ntoko mahavu a enuwi,Nave eyano awe ti yookhuwaliha opwaha makhurwa.
4 Nto wookuchulani, owo toowaawa ntoko wamweNave taweetha ntoko nlema nneetha* wu ni wu.
5 Inaani sawe sinakhuruwela wookhwani.
Meecelo awe anakeriha o Mahiye.*
6 Muthiyana yoola hanapwacha ephiro ya okumi.
Onamoona weeca, ahisuwelaka onayeiyewo.
7 Vano anaaka, mukiwiriyaneNave muhihiye yeeyo kinooleelaakaani.
8 Okhale ocai wa muthiyana yoola;Ohaacameleru mulako wa empa awe;
9 Wi ohaavahe akina ncicimiho naa,Naari wi ohihooxeye mu iyaakha sincipale;*
10 Wi achu akina ehimalihe sookhalano saa,*Nave yawiima ya muteko aa wakuru ehivolowe mu empa ya muchu mukina.
11 Moohiyana, onahaala othukumelaka omakuchuwelo wa okumi aa,Vaavaa ethai aa ni mwiili aa sineeraaya sooceke,
12 Ni oloce: “Kaakhoocelani olaka!
Murima aka waanyemulelani osameliwa!
13 Nkaawiriyana nsu na ahusiha aka,Naari mano waapwacha yaawo yaakileeliha.
14 Kaahanle vakhaani omorela mu soohooxaVamiithoni va muloko woothene.”
15 Owuryeke maahi a vanchelani* vaaNi maahi anakhuma* veehimeni vaa.
16 Apwanne anaacuucu aa yaanaphwanela oyeeheryeya muramphani,Mihice saa sa maahi inayeeheryeya mmapuro awaaciwamo?
17 Ekhale pahi awaaNave ohikawane ni achu akina.
18 Ehime aa* ekhale yooreelihiwa,Nave ohakalaleke ni mwaaraa a omiravo aa,
19 Ekhomace yookhweleya, naahe oophwaneliwa.
Mapele awe yoohakalaliheke* elukuluku yoothene.
Nave osivela wawe woophareke murima ilukuluku soothene.
20 Vano mwanaka, ntakhara heeni waahaalaawe waavuwa murima ni muthiyana oocheka,*Naari okhupaarela mapele a muthiyana aweeca pure?*
21 Tiwi, iphiro sa muchu siri vamiithoni va Yehova;Owo onnavarerya iphiro sawe soothene.
22 Muchu oonanara murima onnaheiwa ni soohesa sawe,Nave onahaala ophariwa mmikoyi sa yoocheka awe.
23 Onahaala okhwa wanthowa na ohileeleya*Nave onahaala orimeela wanthowa na ololo awe woopwahererya.
Inoota
^ Mu Ehepiri, “a nloko nikina.” Moone Masiposipo 2:16.
^ Naari: “nrino orele.”
^ Naari: “Seyoli,” ela tiwi, nipuro achu oothene anavithiwaayawo. Moone Masu Atharihiwe.
^ Mu Ehepiri, “ni iyaakha saa wa yeeyo eri yootakhala.”
^ Naari: “owerya waa.”
^ Naari: “vanchiyani; vanchacani.”
^ Naari: “maahi ooriirya.”
^ Naari: “Naacucu aa a maahi.”
^ Naari: “Opuheke mapele awe.”
^ Mu Ehepiri, “a nloko nikina.” Moone Masiposipo 2:16.
^ Mu Ehepiri, “a elapo ekina.” Moone Masiposipo 2:16.
^ Naari: “oheemererya olaka.”