Masiposipo 9:1-18
9 Miruku seeparipari sooteka empa aya;Sohaapacha apoco aya athanu napiili.
2 Iho soorehererya emece yawaaca;*Iho sohaakanyerya eviinyu aya;Nave tho soorehererya meesa aya.
3 Iho sohaaruma anamuteko aya aasithiyanaWi yakhuwele mmapuro oocukhuwa a epooma, eriki:
4 “Achu oothene oohisuwela, murwe nno!”
Wa yaale ahinalapa muru,* miruku sinnaloca:
5 “Murwe, mukhuure epaau akaNave muwurye eviinyu aka yawaakanyeryiwa.
6 Muhiye oculi ohisuwela wanyu* nave munamukhala;Muchareke ephiro ya osuwelaxa.”
7 Yoole onamookolola muchu oonyemula, onniiruuhela munyemu,Nave yoole onamulaka muchu oonanara murima, onniiruuhela epahu.
8 Ohimulake muchu oonyemula, woona wi onanwiicaka.
Omulakeke muchu a miruku, nave owo onamoosivelaka.
9 Omuleeliheke muchu a miruku, nave owo onamukhala amirukuxa.
Omuhusiheke muchu awookololowa murima, nave owo onamwaceererya masuwelelo awe.
10 Omoova Yehova ti mapacereryo a miruku,Nave omusuwela Aweelaxa ori osuwelaxa.
11 Tiwi, moorweela wa miyo, mahiku aa anamukhala awaaca,Nave iyaakha sa okumi aa inamwaaceereryiwa.
12 Wakhala a miruku, eyo enamukhala ya mphurelo wa weyo mwaneene;Nto wakhala oonyemula, yoowe ene toni ohooxeyeke ni sookhumelela sene.
13 Muthiyana ori mulolo teelavilavi.
Owo haniisuwela nave hanasuwelaru echu.
14 Owo onnakiraathi vamulako va empa awe,Va ekatera, va nipuro noocukhuwa na epooma,
15 Nave onnawiichana yaale anavira,Yaale anachara ephiro aya, ariki:
16 “Achu oothene oohisuwela, murwe nno.”
Wa yaale ahinalapa muru* owo onnaloca:
17 “Maahi awiiyiwa tawi vyaa,Nave yoolya enalyiwa moovitheya ti yoosivaxa.”
18 Nto awo hanasuwela wi achu ookhwa ari vaate vawe,Nave wi oowompwa awe ari Mmahiye* awiixa.
Inoota
^ Mu Ehepiri, “iho sohaahita axinama aya.”
^ Mu Ehepiri, “ahirino murima.”
^ Naari: “Mwaahiye oculi oohisuwela.”
^ Mu Ehepiri, “ahirino murima.”
^ Naari: “Seyoli,” ela tiwi, nipuro achu oothene anavithiwaayawo. Moone Masu Atharihiwe.
