Ncipo na Solomoni 2:1-17

  • Namwali (1)

    • “Miyaano pahi ka ethutu ya asafarawu”

  • Mukukhula (2)

    • ‘Oosiveliwa aka ori ntoko ethutu pure’

  • Namwali (3-14)

    • ‘Muhiviihe osivela ophiyerya ephin’ye elukuluku aya’ (7)

    • Masu a mukukhula (10b-14)

      • “Oophwaneliwa aka, orwe ni mi” (10b, 13)

  • Asinnawe namwali (15)

    • “Waapharemo ananthala”

  • Namwali (16, 17)

    • “Oosiveliwa aka tawaka nave miyo ka awawe” (16)

2  “Miyaano pahi ka ethutu ya asafarawu yo mureyareya,Ethutu pure ya mpopani.”  2  “Ntoko ethutu pure eri variyari va miiwa,Hiihaa ti oosiveliwa aka variyari va asimwali.”  3  “Hiihaa ntoko mwiri wa masa variyari va miri sa mutakhwani,Hiihaa ti oosiveliwa aka variyari va amiravo. Kinnachunaxa okiraathi va muuruxini vawe,Nave yawiima awe eri yoosivaxa va nlumi naka.  4  Owo aakikeriha o empa ya efesta,*Nave oothene yaanawerya woona osivela wawe ntakhara miyo.  5  Mukiichuuwihe ni ipoolu sa uuva;Mukivakulele ni amasa,Woona wi kinnakhwa wanthowa na osivela.  6  Ntata nawe noothiyana nri va muru vaka,Nave ntata nawe noolopwana ninnakikhupaarela.  7  Nyuwo anamwane aasithiyana o Yerusalemu, kinnoovekaani wi,Mulipele wa anaahe ni wa ikhomace sa mutakhwani: Muheererye oviiha naari otannya osivela mwa miyo ophiyerya ephin’ye elukuluku aya.  8  Kinnamwiiwa oosiveliwa aka aphiyaka! Mmoone! Ole onrwa vale,Achimakaka mmiyaakoni, acuphaka ikumukumu.  9  Oosiveliwa aka ori ntoko naahe, ntoko mwaasaana a ekhomace. Ole ori vale, eemenle oculi wa exiri ahu,Awehaka mmaxanelani,Athurumelaka mphakani. 10  Oosiveliwa aka onnaloca ni mi ariki: ‘Ovinye oosiveliwa aka,Oophwaneliwa aka, orwe ni mi. 11  Onani! Elukuluku ya epula yoovira. Epula yoomwara nave yoopwaha. 12  Ithutu soophuwa vachayani,Elukuluku ya okwaserya mirai sa mwiri wa uuva yoophiya,Nave onniiweya wiipa wa nsiya mu elapo ahu. 13  Sawiima soopacerya sa mwiri wa mukuukhu sohiichwa;Miri sa uuva soophuwela ithutu nave iho sinnamwaryamwaxa wunkhela waya. Ovinye oosiveliwa aka, nave orwe. Oophwaneliwa aka, orwe ni mi. 14  Khwoo ekakaiya* aka, weyo wiipinthe mmakhukuni a miyala,Mphakani sa vanikumukumu,Okeemererye wi kiwoone ni wiiwa nsu naa,Woona wi nsu naa ti noohakalaliha, nave ethoi aa ti yoophwaneliwa.’” 15  “Waapharemo ananthala,Asaana a ananthala yaawo annanariha imaca sahu sa uuva,Woona wi miri sahu sa uuva sookhalano ithutu.” 16  “Oosiveliwa aka tawaka nave miyo ka awawe. Owo onnakukhula variyari va ithutu. 17  Ehaakumve woopa echeku ya nihiku* nave muuruxi ohichanwe,Mukooke mwawaakuveya oosiveliwa aka,Mviraka variyari va miyaako inanimwalanya* ntoko naahe naari mwaasaana a ekhomace onachimaka.

Inoota

^ Mu Ehepiri, “empa ya eviinyu.”
^ Naari: “epompa.”
^ Mu Ehepiri, “Nihiku nihaakumve omumula.”
^ Naari akhweya: “miyaako ithalen’ye veeri.” Naari: “miyaako so Peteri.”
OTAPHULELIWA WA PIIPILIYA A ELAPO EVYAANI A SOOREMPWA SAWEELA
Ncipo na Solomoni 2
Elomwe
Mmwaalakhanye Piipiliya mu Interneti
https://cms-imgp.jw-cdn.org/img/p/1001061103/univ/art/1001061103_univ_sqr_xl.jpg
nwt