Ncipo na Solomoni 4:1-16
4 “Chiri, wootepa oreera, oosiveliwa aka!
Chiri, wootepa oreera!
Miitho aa ari ntoko ale a ekakaiya* wiikhunenle ni eveewu aa.
Miihi aa ari ntoko nikhuuru na ipuriSeiho inakhuruwa o miyaako so Kiliyati.
2 Miino aa taweela ntoko muhuwo wa ipucepuche icemmwe hiihaanoruYoowo onakhuma weiwo waarapihiwaayawo;Muhuwo woothene oyanre maphapo,Nave hiyaavo emuyelenle mwaasaana aya.
3 Iyano saa iri ntoko oxalo woophilivila,Nave oloca waa ti woosiva.
Wiikhunenle ni eveewu aa,Marama* aa ari ntoko yawiima* ekwasiwe veeri.
4 Exiko aa eri ntoko muconco wa Tavite,Yoowo otekiwe ni maluku athataanyiwe* phaama,Othomeiwevo sawiisaakihano sawaakhwana ncikhwi nimoha,*Sawiisaakihano soothene soovilikana sa anakhoco oowerya.
5 Mapele aa meeli ari ntoko asaana eeli a naahe,Anaahe ayariwe maphapo,Yaawo analya variyari va ithutu.”
6 “Ehaakumve woopa echeku ya nihiku* nave muuruxi ohichanwe,Kinamuyawo o mwaako wa miiraNi wa ekumukumu ya oliipanu.”
7 “Wootepa oreera oosiveliwa aka,Hiwaavo onananraawevo.
8 Nikhuruwele vamoha o Lipanu, oosiveliwa* aka,Nikhuruwele vamoha o Lipanu.
Okhuruwe va mwaako wa Amana,*Va mwaako wa Senir, va mwaako wa Hermoni,Okhuruwe mmakhukuni a amwaco, mmiyaakoni sa ahavara.
9 Wookikuxa murima murokora aka, oosiveliwa* aka,Wookikuxa murima okiweharu omoha,Nnikupa nimoha pahi na kolaare aa.
10 Okichuna waa ti waphaama murokora aka, oosiveliwa aka!
Okichuna waa ti waphaamaxa opwaha eviinyu;Nave muhiriri aa ti wa wunkhela opwaha sawunkhela soothene!*
11 Iyano saa, oosiveliwa* aka, sinnaconya enuwi,
Vathi va nlumi naa yookhalavo enuwi ni mukaka,*Wunkhela wa soowara saa ori ntoko wunkhela wa Lipanu.
12 Murokora aka, oosiveliwa* aka, ori ntoko emaca yooreera* ewaliwe;Emaca yooreera* ewaliwe, ehime ewaliwe.
13 Weyo* ori ntoko emaca yooreera* osaren’yemo miri sinavaha sawiima,Ni sawiima sincipale soosiva, vamoha ni heena ni miri sa naartu,
14 Naartu ni asafarawu, kalamu* ni kanela,Vamoha ni miri soothene so Lipanu, miira ni aloyesi,Vamoha ni sawunkhela soothene sookhweleya.
15 Weyo wa naacuucu a emaca yooreera, ehime ya maahi oosiva,Ni mihice inarwa o Lipanu.
16 Vinya, khwoo echeku yoomoko;Rwaa, khwoo echeku yoohico.
Woopele moomaleleya emaca aka yooreera,
Wi wunkhela waya omwaramwaxeye.”
“Oosiveliwa aka avolowe mu emaca yooreeraNave alye sawiima saya soosiva.”
Inoota
^ Naari: “epompa.”
^ Naari: “ethoi.”
^ Naari: “yawiima ya roma.”
^ Naari: “alokomanyiwe.”
^ 1.000.
^ Mu Ehepiri, “Nihiku nihaakumve omumula.”
^ Mu Ehepiri, “mulipa ootheliwa.”
^ Naari: “Ati-Lipanu.”
^ Mu Ehepiri, “mulipa ootheliwa.”
^ Naari: “aperefume oothene.”
^ Mu Ehepiri, “mulipa ootheliwa.”
^ Naari: “eleiti.”
^ Mu Ehepiri, “mulipa ootheliwa.”
^ Naari: “xartini.”
^ Naari: “Xartini.”
^ Naari akhweya: “Mwiili aa.”
^ Naari: “xartini.”
^ Mutathi wa wunkhela.
