Ncipo na Solomoni 6:1-13
6 “Ori woowi oosiveliwaa,Weyo ooreeraxa waapwaha athiyana akina?
Oosiveliwaa okele mphiro taani?
Hanko namwaavye vamoha.”
2 “Oosiveliwa aka okhuruwenle o emaca awe yooreera,*Omikhutuni wa miri sinavaha sawunkhela,Wi akukhule muhuwo mu imaca sooreeraNi waavya ithutu.
3 Miyo ka awawe oosiveliwa aka,Nave oosiveliwa aka tawaka.
Owo onnakukhula variyari va ithutu.”
4 “Wootepa ooreera osiveliwa aka, ntoko Tirsa,*Oophwaneliwa ntoko Yerusalemu,Ootikhiniha ntoko anakhoco athukumanyiwe wi yawanihe ekhoco.
5 Ohikiweheke,Woona wi miitho aa annakitikhiniha.
Miihi aa ari ntoko nikhuuru na ipuriSeiho inakhuruwa o miyaako so Kiliyati.
6 Miitho aa taweela ntoko muhuwo wa ipucepucheYoowo onakhuma weiwo waarapihiwaayawo;Muhuwo woothene oyanre maphapo,Nave hiyaavo emuyelenle mwaasaana aya.
7 Wiikhunenle ni eveewu aaMaramaa ari* ntoko yawiima* ekwasiwe veeri.
8 Naari erivovo athiyana a mwene makhumi mathanu nammoha*Naari erivovo athiyana akina a mwene makhumi mathanu nararu*Ni asimwali ancipale,
9 Nto mmoha pahi ekakaiya* aka yoophaameya.
Owo mwaana amwaamuthiyana a amamaawe.
Oochuneyaxa* wa yoole omuyanre.
Asimwali annamoona nave annamweera oohakalala;Asaara amwene ni athiyana awe akina annamucicimiha yoowo.
10 ‘Taani yoola onaarya* ntoko okhuma wa nsuwa,Ooreera ntoko waarya wa mweeri,Aweela ntoko waarya wa nsuwa,Ootikhiniha ntoko anakhoco athukumanyiwe wi yawanihe ekhoco?’”
11 “Kaakhuruwela o emaca ya miri sinavaha sawiimaWi koone yeeyo yiimale opopani,Wi koone miri sa uuva saaphuwenle,Nave waakhanle wi miri sinavaha sawiima saaphuwela.
12 Kihaakumve osuwela yeela,Nchuno naka naakikerihaWaacamela ikaaro sa nloko naka noovuwa.”*
13 “Nkakooka, nkakooka, khwoo Sulamita!
Nkakooka, nkakooka,Wi niwoone wanaawiili!”
“Ntakhara heeni munanwehaanyu Sulamita mootikhiniheya?”
“Owo ori ntoko eyiinelo ya makhuuru meeli!”*
Inoota
^ Naari: “o xartini.”
^ Naari: “epooma yooreera.”
^ Naari: “Ethoi aa eri.”
^ Naari: “yawiima ya roma.”
^ 60.
^ 80.
^ Naari: “epompa.”
^ Naari: “Aweelaxa.”
^ Mu Ehepiri, “onaweha vathi.”
^ Naari: “noorehereya.”
^ Naari: “eyiinelo yo Mahanami.”
