Ncipo na Solomoni 7:1-13
7 “Inaani saa ti sooreera mu asantaalyaa,Weyo mwaana a mwaamuthiyana oochuneya!
Okhala wa anatori aa ori ntoko ichu sookhweleyaxa,Muteko wa mulipa oohana.
2 Mutekhu aa ori ntoko koopho oovilikana.
Mummo ohinathowamo eviinyu.
Erukulu aa eri ntoko tiriku awuukeliwa,Ariciwe ni ithutu.
3 Mapele aa meeli ari ntoko asaana eeli a anaahe,Anaahe ayariwe maphapo.
4 Exiko aa eri ntoko muconco opakiwe nniino na echepo.
Miitho aa ari ntoko machiya a maahi o Hesponi,Ari va mulako mutokweene wa epooma yo Pati-Rapimi.
Ephulaa eri ntoko muconco wo Lipanu,Onaweha epooma yo Tamasku.
5 Muru aa ti wooreera ntoko mwaako Karmelo,Nave miihi aa ari ntoko oxalo waphaamaxa wooxeerya.
Ovathaanyiwa wa miihi aa ooreera onnaphara murima wa amwene.
6 Wootepa oreera nave wootepa ophwaneliwa,Oosiveliwa aka, onnapwaha osiva woothene!
7 Okhala waa ori ntoko n’yale,Nave mapele aa ari ntoko sawiima saya.
8 Kaaloca kiriki: ‘Kinanwela mu n’yale,Wi kirukule sawiima saya.’
Mapele aa ekhale ntoko mithito* sa uuva;Wunkhela waa okhale ntoko wunkhela wa sawiima sa masa;
9 Nave eyano aa ntoko eviinyu yaphaama.”
“Eyo emiineleyeke mwawiichaalela wa oosiveliwa aka,Nave evireke vakhaani-vakhaani mu iyano sa yaale arupenlevo.
10 Miyo ka awawe oosiveliwa aka,Nave owo onakichuna pahi yoomi.
11 Murwe, oosiveliwa aka,Nnapwaha omaca;Nakhale variyari va mapucho o heena.
12 Nivinye wooxiixelo ene nave niye mu imaca sa uuvaWi noone waakhanle wi miri sa uuva soophuwela,*Waakhenle wi ithutu soohuleya,Waakhanle wi miri sinavaha sawiima sookhalano ithutu.
Weiwo kinamooneiha osivela waka wa nyuwo.
13 Sawiima sinnamwaryamwaxa wunkhela waya;Va mulako vahu sookhalavo sawiima soothene saphaama.
Sawiima ikithi, hiihaa ntoko sawuuma,Oosiveliwa aka, kohookuheryaani sawiima seiha.
