Ncipo na Solomoni 8:1-14
-
Namwali (1-4)
-
“Waamureeravo waakhanle munnaka” (1)
-
-
Asinnawe namwali (5a)
-
‘Taani yoola omukhupaarenle oosiveliwa awe?’
-
-
Namwali (5b-7)
-
“Osivela ti wakuru ntoko okhwa” (6)
-
-
Asinnawe namwali (8, 9)
-
“Owo aari exiri, . . . nto aari mulako, . . .” (9)
-
-
Namwali (10-12)
-
“Miyaano ka exiri” (10)
-
-
Mukukhula (13)
-
‘Miyo kinnachuna wiiwa nsu naa’
-
-
Namwali (14)
-
“Ochimake ntoko naahe”
-
8 “Waamureeravo waakhanle munnaka,Yoowo aamwihiwe ni mapele aamamaaka!
Hiihaa, koophwannye mphironi, kaamoovaha epeexu,Nave haavo ahaala okinyemula.
2 Miyaano kaamookuxa,Nave kaamookeriha vaate va amamaaka,Yaawo akihusinhe.
Kaamoovaha eviinyu yawunkhela wi owurye,Ni suumu ooriirya a sawiima.
3 Ntata nawe noothiyana nahaala okhala vamuru vaka,Nave ntata nawe noolopwana nahaala okikhupaarela.
4 Nyuwo anamwene aasithiyana o Yerusalemu, kinnoovekaani wi mulipele:
Muheererye oviiha naari otannya mwa miyo osivela ophiyerya ephin’ye elukuluku aya.”
5 “Taani yoola onakhuma otakhwani,Amukhupaarenle oosiveliwa awe?”
“Kooviihale vathi va mwiri wa masa.
Vaavale amamaa ahoona wiicela wa oyara.
Vaavale awo ahooyara ni wiicela otokweene.
6 Okihele ntoko eneneeryo* mmurimani mwaa,Ntoko eneneeryo* va nwononi vaa,Tiwi osivela ti wakuru ntoko okhwa,Nave owo onnaphara ntoko Mahiye.*
Osivela yoowo ori ntoko makalume a mooro onavarela, nikalume na Yehova.*
7 Maahi oorweela hanawerya oxipiha osivela,Naari mano okuxiwa ni ochimaka wa mihice.
Waakhanle wi muchu oovaha muhakhu awe woothene wa mpa mwawe wanthowa na osivela,Owo waahaala onyemuliwa.”*
8 “Nookhalano murokora ahu mukhaani,Nave owo nlelo hakhumme mapele.
Tiheeni nnahaalaahu weera wa murokora ahuNihiku onahaaleiye wuuryiwa?”
9 “Owo aari exiri,Nnamuteka wa yoowo yawaakiha ya eparata;Nto aari mulako,Nnanwala ni ethaapwa ya seetru.”
10 “Miyaano ka exiri,Nave mapele aka ari ntoko muconco.
Mwawiihiiha, vamiithoni va oosiveliwa aka,Kiri ntoko muthiyana ophwannye murecele.
11 Solomoni aahikhalano emaca ya uuva o Pal-Hamoni.
Owo aawunnyererya emaca alipa oothokororya.
Vawuurula sawiima sene, mmoha ni mmoha aanamuruuhela ikhorowa sa eparata ncikhwi nimoha.*
12 Miyaano kookhalano emaca aka ene ya uuva.
Ikhorowa sa eparata ncikhwi nimoha* ti sawinyu, nyuwo Solomoni,Nave masana meeli* ti sa yaale anathokororya sawiima sanyu.”
13 “Khwoo, weyo onamaka mu imaca sooreera,Asinthamwene annawehererya owiriyana nsu naa.
Miyo tho kinnachuna wiiwa.”
14 “Waakuve oosiveliwa aka,Nave ochimake ntoko naaheNaari ntoko mwaasaana a ekhomaceYoowo onacupha mmiyaakoni sa miri sawunkhela.”
Inoota
^ Naari: “eseelu.”
^ Naari: “eseelu.”
^ Naari: “Seyoli,” ela twi, nipuro achu oothene anavithiwaayawo. Moone Masu Atharihiwe.
^ Mu Eheepiri, nsina nela Yehova, nookhalano marepeliwo ookhuveya.
^ Naari akhweya: “muchu owo aahaala onyemuliwa.”
^ 1.000.
^ Mu Ehepiri, “ncikhwi nimoha.” 1.000.
^ 200.
