Salmu 111:1-10
111 Mmucicimihe Yehova!*
א [Alefi]
Kinarwa kimucicimiha Yehova ni murima aka wootheneב [Peti]Veeri va awookololowa yaawo athukumanne ni mmulokoni.
ג [Kimeli]
2 Miteko sa Yehova mitokweene;ד [Taleti]Oothene anasiveliwano annahuserya seiho.
ה [He]
3 Saweera sawe ti soovuwa ni itokweene,ו [Vawu]Nave wookololowa wawe onniikhalelaru okhala wookhala.
ז [Sayine]
4 Owo onneeriha wi miteko sawe sootikhiniha suupuweliweke.
ח [Heti]
Yehova taniphwanya* ni a ikharari.
ט [Teti]
5 Onnaavaha yoolya yaale anamoova.
י [Yoti]
Owo onnuupuwela nlakano nawe okhala wookhala.
כ [Kafe]
6 Owo oowuupululela achu awe miteko sawe sakuru.
ל [Lameti]
Moorweela wa waavaha yoohiyeryiwa ya maloko.
מ [Meme]
7 Miteko sa matata awe ti eparipari ni ekhaikhai;נ [Nuni]Malamulo awe oothene toophwanela ororomeliwa.
ס [Sameki]
8 Awo toororomeleya,* hiihaano ni okhala wookhala;ע [Ayini]Enathipeleya mu eparipari ni mu wookololowa.
פ [Pe]
9 Owo owoopola achu awe.
צ [Tsate]
Owo oolamulela wi nlakano nawe niikhaleleru okhala wookhala.
ק [Kofi]
Nsina nawe ti naweela ni nawoopiha.
ר [Rexi]
10 Omoova Yehova ti mapacereryo a miruku.
ש [Sini]
Oothene yaawo aniiwelela malamulo awe* annooniherya wiiwexexa waphaama.*
ת [Tawu]
Ncicimiho nawe ninniikhalelaru okhala wookhala.
Inoota
^ Mu Ehepiri, “Aleluya!” Nsu nla nokhalano marepeliwo ookhuveya a nsina, Yehova.
^ Naari: “ta mahala.”
^ Naari: “toothipeleya phaama.”
^ Mu Ehepiri, “Oothene yaawo aneerano.”
^ Naari: “miruku saphaama.”
