Salmu 112:1-10
112 Mmucicimihe Yehova!*
א [Alefi]
Oohakalala muchu yoowo onamoova Yehova,ב [Peti]Yoowo onasiveliwanooxa malamulo awe.
ג [Kimeli]
2 Muyareriwo awe onamukhala woowerya veelaponi,ד [Taleti]Nave muyareriwo wa achu awookololowa murima onamureelihiwa.
ה [He]
3 Vaate vawe wookhalavo muhakhu ni oreela,ו [Vawu]Nave wookololowa wawe onniikhalelaru okhala wookhala.
ז [Sayine]
4 Wa yaale ari awookololowa, owo onnaarya ntoko ekamaama mu epiiphi.
ח [Heti]
Owo ta niphwanya,* a ikharari ni awookololowa.
ט [Teti]
5 Oohakalala muchu yoowo onapoleiha mwa mahala.
י [Yooti]
Owo onnakhapelela miyaha sawe mweekhaikhai.
כ [Kafe]
6 Owo harwa acikinyeya.
ל [Lameti]
Awookololowa murima onamuupuweleliwa okhala wookhala.
מ [Meme]
7 Owo hakhala awoova wa nthowa na michaka soonanara.
נ [Nuni]
Murima awe ti wootikitheryeya, onamuroromela Yehova.
ס [Sameki]
8 Murima awe ti woohicikinyeya;* owo hanoovaruע [Ayini]Wookuchulani, owo onahaala waaweha amwiicani awe evoothiwe.
פ [Pe]
9 Owo onnakawa ni murima woothene;* owo onnaavaha alipa oohaawa.
צ [Tsate]
Wookololowa wawe murima onnatitelela okhala wookhala.
ק [Kofi]
Ikuru sawe sinamwaacereryeya mwa ncicimiho.
ר [Rexi]
10 Yoole ori oonanara murima onamoona yeela nave onamuhaleeliheya.
ש [Ximi]
Onanwurawuriha meeno nave onamucakanela.
ת [Tawu]
Soochuna sa achu oonanara murima sinammalihiwa.
Inoota
^ Mu Ehepiri, “Aleluya!” Nsu nla nookhalano marepeliwo ookhuveya a nsina, Yehova.
^ Naari: “tawookololowa.”
^ Naari: “ti woolakelela; ti wootikitheryeya.”
^ Naari: “mwa mahala.”
