Salmu 142:1-7
Masikili.* Salmu a Tavite, vaavaa aareiye okhukuni. Nivekelo.
142 Ni nsu naka kinnamwiichana Yehova ntakhara nikhaviheryo;Ni nsu naka kinnaveka ni murima woothene mahala a Yehova.
2 Vamiithoni vawe kinnayeeheryavo wuukhuwa waka;Vamiithoni vawe kinnalokoha sawuukhula saka
3 Vaavaa ikuru saka sinamalaaya mpuwa mwaka.*
Mwawiihiiha nyuwo munnalipelela ephiro aka.
Mu ephiro yeeyo kineecaakamo,Annavithamo muraakho wi ekiheyeno.
4 Nwehe omoono aka woolopwana nave moone wiHaavo onakipwacha.*
Hinaavo nipuro kinaphwanelaaka ochawelavo;Haavo onuukhuwa ni miyo.*
5 Kinnawiichanaani, khwoo Yehova, wi mukikhaviherye.
Miyo kinnaloca: “Nyuwo muri nchawelo naka,Soothene kiryaakano* mu elapo ya akumi.”
6 Muwiriyane moopwacha okhuwela waka ntakhara nikhaviheryo,Kootepa okhulumuwa.
Mukaakihe wa yaale anakiikara,Woona wi awo takuruxa okipwaha miyo.
7 Mukiviihemo* mukariposoWi kicicimihe nsina nanyu.
Awookololowa murima ethukumane voorukurerya vaka,Tiwi munnakikhaliha mooreera murima.
Inoota
^ Moone Masu Atharihiwe.
^ Mu Ehepiri, “munepa aka onakhumaaya mwa miyo.”
^ Mu Ehepiri, “onakisuwela.”
^ Naari: “okumi aka.”
^ Mu Ehepiri, “Nikupa naka.”
^ Naari: “Mviihemo okumi aka.”
