Salmu 39:1-13
Wa muhooleli a macipo; a Yetutumi.* Salmu a Tavite.
39 Miyo kaahi: “Kinahaala ovareryela ephiro akaWi kihicheke ni nlumi naka.
Kinamukhapelela eyano aka moorweela wa omaka yeeyoVaavaa kineeraka kikhale vamiithoni va muchu oonanara murima.”
2 Kaakhala muchu oohiloca nave kaamaala,Nkaalonce naari mano sa yeeyo eri yaphaama;Nto wiicela waka waari otokweene.*
3 Murima aka waanavya* mpuwa mwaka.
Vaavaa kuupuwelelaka,* mooro waanavarela.
Vanonto kaahi:
4 “Khwoo Yehova, mukikhaviherye osuwela makuchuwelo akaNi waaca wa mahiku aka,Wi kiiwexexe mukhalelo okumi aka oryaaya wookhuveya.*
5 Mweeparipari, mahiku yaawo mukivanhaanyu tavakhaani;*Nave olekela wa okumi aka tahi echweenevo vamiithoni vanyu.
Chiryene muchu ori oothene, naamwi akhalaka wi tookhapeleleya, tahi echweenevo ntoko nwiya. (Selaha)
6 Chiryene muchu ori oothene onnarwa nave apwaha ntoko muuruusi.
Onnachimakela wu ni wu* siiyo ene.
Onnuukela muhakhu, ahisuwelaka taani onahaala opuha.
7 Vano tiheeni kinaweheryaaka, khwoo Yehova?
Nyuwaano pahiru muri ewehereryo aka.
8 Mukoopole wa soocheka saka soothene.
Muhemererye wi mulolo akeere okhala echu yoonyemuwa.
9 Kaakhala muchu oohiloca;Nkaawenrye ohula eyano aka,Woona wi ti nyuwo mweenrevo echu.
10 Mviihevo ekoi munakihooxaanyuno.
Koomalavo wa nthowa na okilaka wanyu.
11 Nyuwo munnamulaka muchu mmoonihaka ekoi wa nthowa na yoohesa awe;Munnatoloxa ichu seiho onooneiye okhala sasisapo, hiiha ntoko oweexe.
Mweeparipari, muchu ori oothene ori ntoko nwiya. (Selaha)
12 Mwiiwe nivekelo naka, khwoo Yehova,Nwiriyane okhuwela waka ntakhara nikhaviheryo.
Mpwache miithori aka.
Woona wi wa nyuwo kiri ntoko namarwa,Muchu yoowo onaamvira,* hiiha ntoko makholo aka oothene.
13 Muhikivarerye munyeenyen’ye, wi kihakalaleKihaakumve opwaha ni ocakanela.”
Inoota
^ Moone Masu Atharihiwe.
^ Naari: “waahaaceereryeya.”
^ Mu Ehepiri, “waaviha.”
^ Naari: “kiichaaka miwiya.”
^ Naari: “mukhalelo kiryaaka oohilekela.”
^ Mu Ehepiri, “mannuwelo a ntata.”
^ Mu Ehepiri, “Onnanyakula.”
^ Naari: “Namarwa.”
