Salmu 56:1-13
Wa muhooleli a macipo; ni ncipo nniichaniwa “Ekakaiya Yoomaaleleya Eri Woorakamawo.” Salmu a Tavite. Mikitawu.* Vaavaa Afilisti yaamphanraaya owo o Kaati.
56 Mukooniherye mahala, khwoo Muluku, woona wi muchu onnakihiphela.*
Nihiku noothene, awo annawana ni miyo nave annakihooxa.
2 Amwiicani aka annakiikara nihiku noothenene;Ancipale annawana ni miyo mmukhalelo wa wiirumiha.
3 Vaavaa kinakhalaaka awoova, kinnatikitherya nroromelo naka mwa nyuwo.
4 Mwa Muluku, yoowo masu awe kinacicimihaaka,Mwa Muluku, kinnatikitheryamo nroromelo naka; nkinoova.
Muchu* pahi ani akeerele heeni?
5 Nihiku noothenene awo annananariha soochuna saka;Muupuwelo aya ori okiphoreiha pahi.
6 Awo anniipitha wi ekihiphele;Annavarerya meecelo aka oothene,Eweheryaka omaliha okumi aka.
7 Mwaakhooce wa nthowa na otakhala waya.
Mutoloxe maloko mu esara anyu, khwoo Muluku.
8 Nyuwaano munnahoolela meecelo aka.
Khwoo, mukhapelele miithori aka mu nipotoro nanyu nannyapara,Apwanne herempwale mu liivuru anyu?
9 Amwiicani aka anamukookela oculi mu nihiku kineeraka kikhuwele ntakhara nikhaviheryo;Kinnaroromela ela: Muluku ori mmakupa aka.
10 Mwa Muluku, yoowo masu awe kinacicimihaaka,Mwa Yehova, yoowo masu awe kinacicimihaaka,
11 Mwa Muluku, kinnatikitheryamo nroromelo naka; nkinoova.
Muchu pahi ani akeerele heeni?
12 Kiri oomakeya ni malakano kipankaaka wa nyuwo, khwoo Muluku;Kinamoovahaani masu oothamalela.
13 Tiwi mookoopola* wa okhwaNave himweemerenrye wi inaani saka sikwaculiwe,Wi keece vamiithoni va Muluku mu omwaleela wa akumi.
Inoota
^ Moone Masu Atharihiwe.
^ Naari: “onneererya okikhuura.”
^ Mu Ehepiri, “Ethai.”
^ Naari: “mohoopola okumi aka.”
