Salmu 64:1-10
-
Okhapelela ntakhara ohiphela orehereryiwe moovitheya
-
“Muluku onahaala waavonyerya yaawo nivaka” (7)
-
Wa muhooleli a macipo. Salmu a Tavite.
64 Mwiiwe nsu naka, khwoo Muluku, vaavaa kinavekelaaka okhumela vathi va murima.
Mukhapelele okumi aka wa ohiphela wa woopiha wa mwiicani.
2 Mukaakihe wa ovaanela woovitheya wa achu oonanara murima,Wa mucici wa achu aweera soonanara;
3 Awo annanola nlumi naya ntoko nlema;Annathoonya ni masu aya awiicela ntoko mavaka,
4 Nave orweela mmapuro aya awiipithamo annamvonyerya oohikhalano nthowa.
Annamvonyerya yoowo mootutusa, ehoomve echu.
5 Awo annatitelela mu yoolakelela aya yoonanara;*Annavaanela sa mukhalelo wa ovitha miraakho saya.
Annaloca: “Taani onahaala woona?”
6 Awo annaavya meerelo mavyaani a opaka yoonanara;Aavitha meerelo aya oonanara mwa mavyakeloMuupuwelo ni murima wa mmoha ti mmoha a yaawo ti soohisuweleya.
7 Nto Muluku onahaala waavonyerya yaawo nivaka;Awo anarwa ephoreihiwa mootutuxa.
8 Nlumi naya nene nnahaala oweeriha wuuwa;Oothene yaale anahaala woona anamucikinya muru.
9 Voocharela, achu oothene anamukhala awoova,Nave anamulaleya yeeyo Muluku opankeiye,Ni wiiwexexa saweera sawe.
10 Eekhaikhai onamuhakalala mwa Yehova nave onamuchawela mwa yoowo;Oothene yaale ari awookololowa murima anamuchapa.*
Inoota
^ Naari: “annaceenyeeryana mukina ni mukhwaawe wi epake yoonanara.”
^ Naari: “anamwiirumiha.”
