Salmu 70:1-5
-
Yooveka ntakhara nikhaviheryo nawaakuveya
-
“Mweerevo echu mwawaakuveya wi mukikhaviherye” (5)
-
Wa muhooleli a macipo. Salmu a Tavite, wi akhale yawuupuxerya.*
70 Khwoo Muluku, mukivuluxe;Khwoo Yehova, murwe mwawaakuveya wi mukikhaviherye.
2 Yaale anaavya omaliha okumi aka* yuulihiwe muruNave enyemuliwe.
Yaale anahakalala ni epahu akaEkookele muculi, elamwihen’ye.
3 Yaale anakiroha eriki: “Ahaa! Ahaa!”
Ekooke nave yuuliheye muru.
4 Nto yaale anawaavyaaniEchape nave ehakalale mwa nyuwo.
Yaale anasivela saweera sanyu sa ovuluxa eloceke moohihiyererya eriki:
“Muluku acicimihiwe!”
5 Nto miyo koohasuwa nave koohaawa.
Khwoo Muluku, mweerevo echu mwawaakuveya wi mukikhaviherye.
Nyuwo muri mukhaviheryi aka ni moopoli aka;Khwoo Yehova, muhilekele.
