Salmu 95:1-11
95 Murwe, nikhuwele moohakalala wa Yehova!
Hankooni nchape moohakalala wa Mwala wa nivuluxo nahu.
2 Niye vamiithoni vawe ni mathamalelo;Hankooni niipe nave nchape moohakalala wa yoowo.
3 Tiwi Yehova, Muluku mutokweene,Mwene mutokweene waapwaha amiluku akina oothene.
4 Wiixa wa elapo yavathi ori mmatatani mwawe;Ithoka sa miyaako ti sawawe;
5 Ephareya, yeeyo owo opankeiye, ti yawawe,Nave matata awe aapaka elapo yawuuma.
6 Rwaani, nimulapele nave nuurame vamiithoni vawe;Nikokhore vamiithoni va Yehova, yoowo Onipanke.
7 Woona wi owo ti Muluku ahu,Nave hiyo na achu yaawo owo onaakukhuleiye,Ipuchepuche seiho owo onakhapeleleiye.*
Olelo, wakhala wi moowiriyana nsu nawe,
8 Muhuumihe murima anyu ntoko o Meripa,*Ntoko nihiku nenle, o Masa,* mutakhwani,
9 Vaavaa makholo anyu yaakeenhaaya;Ekimwareela naamwi yoonne miteko saka.
10 Mu iyaakha makhumi masese miyo kaanathanya muyareriwo yoole, nave kiloca kiriki:
“Ikwaha soothene awo annarimeela mmurimani mwaya;Awo hanasuwela iphiro saka.”
11 Mwawiihiiha, kaalipela mu esara aka:
“Awo hevolowa mu wiichuwa waka.”
