Yupu 42:1-17
42 Voocharela, Yupu aamwaakhula Yehova ariki:
2 “Vano koosuwela wi munnawerya opaka ichu sootheneNave wi hiyaavo munuupuwelaanyu opaka eri yoohiweryeya wa nyuwo.
3 Nyuwo mooloca: ‘Taani yoola onakhoromanyiha soolakelela* saka ahirino masuwelelo?’
Eparipari, kooloca kihiiwexexakaVooloca sa ichu sootikhinihaxa wa miyo, seiho kihisuwenlaaka.
4 Nyuwo mooloca: ‘Khwoo, owiriyane nave miyo kinahaala oloca.
Kinamoopakela makoho, nave weyo okileele.’
5 Koona wiiwaru vooloca sa nyuwo,Nto vano, kinnawoonaani ni miitho aka.
6 Tinthowa nene kinaviihaakavo* yeeyo kiloncaaka,Nave kinnacharuwa vanchupini ni vacurwaani.”
7 Yehova amalinhe oloca masu yaala wa Yupu, Yehova aahi wa Elifasi o Temani:
“Esara aka yoonyahuwa wanthowa na weyo ni asinthamwene aa apiili, woona wi mooloca ichu seiho sihiri seeparipari vooloca sa miyo, ntoko mulapeli aka Yupu enreiye.
8 Vano mukuse imope thanu napiili seelopwana ni ipucepuche thanu napiili seelopwana, muye wa mulapeli aka Yupu nave muveleele mukucho woopahiwa ntakhara nyuwo. Nave mulapeli aka Yupu onahaala woovekelelaani. Mweeparipari miyo kinamwaakhula yooveka awe,* ya ohiweerelani mwawiiwanana ni ololo anyu, woona wi mooloca ichu seiho sihiri seeparipari vooloca sa miyo, ntoko mulapeli aka Yupu eenreiye.”
9 Mwawiihiiha, Elifasi o Temani, Piltati o Xuhi ni Sofari o Nama, yaayawo nave yeerano yeeyo Yehova aalamulenleiye. Nave Yehova aahiiwa nivekelo na Yupu.
10 Amanle Yupu waavekelela asinthamwene awe, Yehova aamaliha ohooxeya wa Yupu nave aakookiha muhakhu* awe. Yehova aamvaha ikwaha piili wa soothene aareiyeno khalai.
11 Asinnawe oothene ni arokora awe oothene, vamoha ni asinthamwene awe oothene akhalai yaaya omuxekurya nave elya vamoha ni yoowo vaate vawe. Yiikhupanyeryano ni omuhakararya wa nthowa na ipahu soothene Yehova eemerenryeiye wi imurweele. Mmoha ti mmoha aamvaha yamahala ya ikhorowa ni muneela a ooru.
12 Mwawiihiiha, Yehova aareeliha makupa ookuchula a okumi wa Yupu opwaha oopacerya, nave Yupu aakhalano ipucepuche macikhwi khumi naxexe,* akamelu macikhwi mathanu nammoha,* imope macikhwi meeli* ni apuuru aasithiyana ncikhwi nimoha.*
13 Owo tho aakhalano anamwene aasilopwana athanu neeli ni anamwane aasithiyana araru.
14 Mwanawe amwaamuthiyana oopacerya aamuchuwa nsina nawi Xemima, anaawiili Kesiya, nave aneeraru Kereni-hapuki.
15 Mweelaponi yeele yoothene, hiyaarivo athiyana ooreeraxa ntoko anamwane aasithiyana a Yupu; nave apapa aya yaahaavaha yoohiyeryiwa vamoha ni asinnaya.
16 Emanle yeela, Yupu aakhala ophiyerya iyaakha nsana ni makhumi maxexe* nave aawoona anamwane awe ni asisulwaawe, ophiyerya muyareriwo waneexexe.
17 Wuukuchulani, Yupu aakhwa amanle olyavo ni opuha okumi.*
Inoota
^ Naari: “ekano.”
^ Naari: “okookiha.”
^ Mu Ehepiri, “Mweeparipari kinahaala oviiha ethoi awe.”
^ Mu Ehepiri, “Yehova aakookiha okapuro wa Yupu.”
^ 14.000.
^ 6.000.
^ 2.000. Mu Ehepiri, “makhuuru a imope seecaka piilipiili awaakhwana 1000.”
^ 1000.
^ 140.
^ Mu Ehepiri, “uuluvanle ni akhanle mahiku mancipale.”
