Historia 18

Jacob yauj Harán

¿TIKMATSTIKA akinomej yejuin tlakamej akin imiuan tlajtotika Jacob? Ijkuak yopanoka miyek tonaltin ika yonejnenka, Jacob okinnexti yejuin tlakamej nisiu kampa onkatka se pozo. Kintlajpixtoyaj inborregos. Jacob okintlajtolti: ‘¿Kanon nenchantij?’

‘Tichantij Harán’, okijtokej.

‘¿Nenkixmatstokej Labán?’, otetlajtolti Jacob.

‘Kema’, okijtokej. ‘Xkita nikan uajlauj ichpoch, Raquel, kinuajuika itaj iborregos.’ ¿Tikita ika uajnonisiuitiuj Raquel?

Ijkuak Jacob okitak Raquel iuan iborregos itío Labán, okejkuani tetl tlen ika tentsaujtoya pozo niman ijkon mauelikan maatlikan borregos. Kuakon Jacob okinapalo Raquel niman okijli akinon katka. Yejua melak opak, niman oyaj ichan okijli itaj Labán tlen opanok.

Labán melak opak ika Jacob onokauj ichan. Niman ijkuak Jacob okijli ika kinekiya nonamiktis iuan Raquel, Labán opak. San ika, okijli Jacob matekiti ipan itlal chikome xiuitl ipampa Raquel. Jacob ijkon okichiuj, pampa melak kitlasojtlaya Raquel. San ika, ijkuak oajsik tonajli niman nonamiktiskiaj, ¿tikmatstika tlen opanok?

Labán okimakak Jacob ichpoch akin yakatstiuj, Lea, xokimakak Raquel. Ijkuak Jacob onokauj iuan Labán tekitis okseki chikome xiuitl itech, noijki okimakak Raquel. Ipan yejon tonaltin toTajtsin kinkauiliaya tlakamej makinpiyakan miyekej insiuauan. San ika, ken kijtoua Biblia, aman tlakatl san se makipiya isiuauj.

Génesis 29:1-30.