Itech tlen tlajtos sección 5
Ome metstli sakin ika yokipanauijkaj mar Rojo, israelitas oajsikej ipan tepetl Sinaí. Ompa Jehová onotlajtolkauj iuan Israel, ika nochiuaskia ikalpan tlen melak tlasojti. Yejua okintlajpix niman okinmakak nochi tlen kinpolouaya: maná tlen kikuayaj, tlakentli tlen xisoliuiya niman kintlajpiaya kampa nokajkaltiayaj. Tla tikinpiya mokoneuan, xkinpaleui makasikamatikan tleka Jehová okinmakak israelitas Tlanauatijli, tabernáculo niman teopixkej. Xkimititi tleka melak noneki matikchiuakan tlen tikijtouaj, matiyolyemankej niman nochipa matiyolmelaujkanemikan itech Jehová.
IPAN YEJUIN SECCIÓN
TLAMACHTIJLI 23
Onotlajtolkaujkej iuan Jehová
Israelitas onotlajtolkaujkej iuan Jehová ijkuak ok nokajkaltijtoyaj ikxitlan tepetl Sinaí.
TLAMACHTIJLI 24
Xokichiujkej ken onotlajtolkaujkej
Ijkuak toTajtsin kimakatoya Moisés majtlaktli tlanauatiltin, kalpan kichiujtika se ueyi tlajtlakojli.
TLAMACHTIJLI 25
Tabernáculo kampa kiueyichiuaj toTajtsin
Ipan yejuin kaltlakentli tlen tlasojtiya onkatka caja tlen tetlalnamiktia tlajtolkaualistli.
TLAMACHTIJLI 26
12 ichtakatlachixkej
Josué niman Caleb xijkon katkaj ken oksekimej majtlaktli tlakamej akin oichtakatlachiatoj Canaán.
TLAMACHTIJLI 27
Okixnamijkej Jehová
Coré, Datán, Abiram iuan 250 tlakamej xkitaj itlaj tlen melak ueyi kijtosneki itech Jehová.