TLAMACHTIJLI 10
Xpapatla ken nauati motlajtol
Proverbios 8:4, 7
TLEN TIUELIS: Xpapatla kech ika chikauak motlajtol, kenon kakisti niman kenon ika yolik noso totoka titlajtoua, tla tikchiua yejuin kimachiliskej tlen tikijtoua niman kuajli nasikamatis tlen tikneki titemachtis.
KENON TIKCHIUAS:
-
Xpapatla kech ika chikauak titlajtos. Chikauak xtlajto niman ijkon tikteititis tlen ueyi kijtosneki niman tikinyolmapeuas akin mitskaktokej. Noijki ijkon xchiua ijkuak tikamapouas iTlajtol toTajtsin kampa tetlajtlakolmaka. Xtemolti motlajtol ijkuak tikteneuas itlaj tlen kichiuas makichiakan tlen sakin tikijtos, tlen temomojti noso tlen teajman.
-
Xpapatla ken nauati motlajtol. Tla kuajli nesi ipan motlajtol, makakisti itech tlen tikijtoua ika tipaki ijkuak tikteneuas tlen teyolpaktia, noijki, makakisti ipan motlajtol ijkuak titlajtos itech tlen ueyi noso xueyi niman itech tlen uejka noso nisiuj onka. Noijki manauati ipan motlajtol ijkuak tikteijlis tlen teajman noso teyolkoko.
-
Xpapatla ken totoka noso yolik titlajtoua. Achi totoka xtlajto tla tikneki ika akin mitskaktokej makinyolchikaua tlen tikijtoua. Maka san totoka xtlajto ijkuak tikijtos itlaj tlen ueyi kijtosneki.
