TLAMACHTIJLI 16
Xteyolchikaua niman xtlajto itech tlen kuajli
Job 16:5
TLEN TIUELIS: Xtlajto itech tlen tepaleuis niman maka itech tlen xtepaleuis, niman itech tlen kinyolchikauas akin mitskakiskej.
KENON TIKCHIUAS:
-
Xnemili tlen kuajli itech akin mitskakiskej. Xneltoka ika mokniuan kinekij kiyolpaktiskej Jehová. Tla ueli, ijkuak tikimijlis itlaj makipatlakan ipan innemilis noijki xyejyeko tikinyolchikauas ika nochi moyojlo.
-
Maka miyek xkijto tlen xteyolchikaua. Tla noneki tikijtos ipan motlamachtil seki itech tlen xteyolchikaua, san xkijto tlen noneki. Nochi itech tlen tikijtos noneki mateyolchikaua.
-
Kuajli xtekitilti iTlajtol toTajtsin. Xteititi tlen Jehová yokichiuj, tlen kichiujtika niman tlen kichiuas ipampa tlaltikpakchanejkej. Xkinyolchikaua akin mitskaktokej niman xchikaua intlamachialis.