TLAMACHTIJLI 20
Kuajli xtlamilti
Eclesiastés 12:13, 14
TLEN TIUELIS: Ijkuak ititlamis xteneua tlajtoltin tlen ika tikinyolmapeuas akin mitskakiskej, ijkon kiseliskej niman kichiuaskej tlen ouelkej.
KENON TIKCHIUAS:
-
Tlen ika titlamis mateilnamikti tlen titemachtisneki. Miyekpa xteneua tlenon titemachtisneki niman tlen ueyi kijtosneki, uelis tikimijtos ika okseki tlajtoltin.
-
Xkinyolmapeua akin mitskaktokej. Xkimititi tlenon kichiuaskej niman tleka melak noneki makichiuakan. Tlen tikimijlis makisa ipan moyojlo niman manesi ika yemelak tikneltoka.
-
Maka mauejkaui niman maka maouijtika tlen ika tiktlamiltis. Maka xkijto tlen xotikteneuj ipan motlamachtil. Ika achijtsin tlajtoltin xkimijli tlen kinyolmapeuas akin mitskaktokej ika makichiuakan tlen otikimijli.
