TLAMACHTIJLI 6
Manasikamati tlen tiktetomilia itech itlaxeloluan Biblia
Juan 10:33-36
TLEN TIUELIS: Maka san xpoua se itlaxelol Biblia niman xpano ipan okse tlen tikneki tikteijlis. Kuajli xkita ika akin mitskaktokej makitakan kenon tlaxelojli tlen tikpoua kipaleuiya tlen tikneki tikinmachtis.
KENON TIKCHIUAS:
-
Miyekpa xkinteneua tlajtoltin tlen ueyi kijtosnekij. Sakin ika yotikpouj se itlaxelol Biblia, kuajli xteititi tlajtoltin tlen ueyi kijtosnekij ipan motlamachtil. Uelis tikchiuas yejuin tla miyekpa tikinteneua noso tla tikintlajtoltia tlen kinpaleuis makinextikan yejon tlajtoltin akin mitskaktokej.
-
Xteneua tlen titeasikamachiltisneki. Tla tikijtoua tleka tikpouas se itlaxelol Biblia, sakin, xtetomili kenon tlajtoltin tlen ueyi kijtosnekij itech yejon tlaxelojli kipaleuiyaj tlen otikteijli itech tleka tikpouas.
-
Xtetomili ika tlajtoltin tlen nochimej kasikamatiskej. Maka xkijto miyek tlen xok kipaleuiya tlen tikneki titemachtis. Xnemili kech ikimatij akin mitskaktokej itech tlen titlajtos, yejon mitsititis kech nonekis tiktetomilis niman ijkon kuajli nasikamatis tlen tikneki titemachtis.
