TLAMACHTIJLI 01
¿Uelis mitspaleuis Biblia?
Tinochimej tikuelitaskiaj tikmatiskej tleka titlajyouiyaj, tleka timikij niman tlenon panos ika tlayekapan. Noijki tikuelitaskiaj tikmatiskej tlenon uelis tikchiuaskej niman ijkon kuajli manemi tofamilia. Biblia uelis techpaleuis matikasikamatikan nochi yejuin, niman noijki uelis techpaleuis matiyolpakikan.
1. ¿Tlenon uelis tikasikamatiskej tla tomachtiaj Biblia?
Biblia uelis techpaleuis matikasikamatikan yejuin: ¿akinon okichijchiuj nochi tlen onka, niman tleka?, ¿tleka titlajyouiyaj?, ¿tlenon topan nochiua ijkuak timikij?, ¿tleka nochiuaj guerras tla tinochimej tiknekij tinemiskej ika toyojlo? niman ¿kanaj ajsis se tonajli ijkuak popoliuis yejuin tlaltikpaktli? Miyekej yokinpaleui Biblia makasikamatikan nochi yejuin. ¡Tejua noijki uelis mitspaleuis!
2. ¿Uelis techpaleuis Biblia matiyolpakikan?
Biblia uelis techpaleuis matiyolpakikan. Techijlia kenijki noso kenon tiyolpakiskej iuan tofamilia. Noijki techijlia tlenon uelis techpaleuis matiyolpakikan ipan totekiyo niman maka melak matajmankamikikan. Yejuin amatlajkuilojli tlen tikitstika mitspaleuis xkasikamati tlenon más temachtia Biblia. Kuajli tikmatstokej ika tejua uelis tikitas ika Biblia melak tepaleui (2 Timoteo 3:16).
Yejuin amatlajkuilojli onochijchiuj niman ijkon kuajli xkasikamati Biblia. Yejua ika, timitstlajtlaniliaj xkintejtemojtiuj nochi textos tlen uajlauej ipan yejuin amatlajkuilojli niman xkitstiuj ika tlen tiueltiuj melauak onokixti ipan Biblia.
OKSEKI XKASIKAMATI
Matikitakan kenijki Biblia melak miyekej yokinpaleui niman tlenon uelis tikchiuaskej niman ijkon matikuelitakan tikamapouaskej. Noijki matikitakan tleka melak kuajli tla yakaj techpaleuiya matikasikamatikan Biblia.
3. Biblia techyekana
Biblia ken se tlauijli tlen techyekana. Techpaleuiya matikmatikan tlenon uelis tikchiuaskej niman techititia tlenon panos ika tlayekapan.
Xkitakan Salmo 119:105 niman xtlajtokan itech yejuin:
-
¿Tlenon okijto itech Biblia akin okijkuilo yejuin salmo?
-
¿Tejua tlenon tiknemilia itech Biblia?
4. Biblia techpaleuiya matikmatikan tlen miyekpa totlajtoltiaj
Se siuatl okitak ika Biblia kinankilia tlen miyekpa notlajtoltiaya. Xkitakan VIDEO niman xtlajtokan itech yejuin:
-
¿Tlenon notlajtoltiaya siuatsintli akin otikitakej ipan video?
-
¿Tlenon opanok pampa opeuj nomachtia Biblia?
Biblia techijlia ika melak kuajli tla tejuamej titetlajtoltiaj tlen xtikasikamatij. Xkitakan Mateo 7:7 niman xtlajtokan itech yejuin:
-
¿Tiknemilia ika Biblia uelis mitspaleuis xkasikamati tlen miyekpa timotlajtoltia? ¿Tlenon tikuelitaskia tikasikamatis?
5. Uelis tikuelitas tikamapouas moBiblia
Miyekej kuelitaj kiamapouaskej noso kileeroskej Biblia. Yokitakej ika melak yokinpaleui. Xkitakan VIDEO niman xtlajtokan itech yejuin:
-
¿Kuelitaj tlaamapouaskej telpokamej akin uajnesij ipan video?
-
San ika ¿tleka kema kuelitaj kiamapouaskej Biblia?
Biblia techijlia tlen techyolseuiya niman tlen techyolchikaua. Xkitakan Romanos 15:4 niman xtlajtokan itech yejuin:
-
¿Tikuelitaskia más tikmatis kenijki techyolseuiya niman techyolchikaua Biblia?
6. Uelis más tikasikamatis Biblia tla yakaj mitspaleuiya
Melak kuajli tikasikamatis tlen kijtoua Biblia tla yakaj mitspaleuiya. Xkitakan Hechos 8:26-31 niman xtlajtokan itech yejuin:
-
¿Kenijki uelis más tikasikamatiskej Biblia? (Xkitakan Hechos 8:30, 31).
Se tlakatl akin ualeuaya Etiopía okasikamat tlen kijtoua Biblia pampa yakaj okipaleui. Aman, miyekej noijki kasikamatij tlen temachtia Biblia pampa yakaj kinpaleuiya.
SEKIMEJ KIJTOUAJ: “Xtepaleuij timomachtis Biblia”.
-
¿Tejua tlenon tiknemilia? ¿Niman tleka ijkon tiknemilia?
TLEN OTIUEL
Biblia techijlia tlenon noneki tikchiuaskej niman ijkon uelis tiyolpakiskej, technankilia tlen miyekpa totlajtoltiaj, techyolchikaua niman techyolseuiya.
¿Kenon titlanankiliskia?
-
¿Tleka tikijtouaj ika Biblia uelis techpaleuis matiyolpakikan?
-
¿Tlenon uelis tikasikamatiskej tla tomachtiaj Biblia?
-
Itech nochi tlen kijtoua Biblia, ¿tlenon tikuelitaskia más tikasikamatis?
OKSEKI XKITA
Xkita tleka Biblia ok melak tepaleui.
“Itlamachtiluan Biblia: tlamachilistli tlen nochipa tepaleuis” (Amatl Tekakistilijketl, núm. 1 2018)
Xkita kenijki Biblia okipaleui se tlakatl mayolpaki.
Xkita kenijki Biblia uelis mitspaleuis xyolpaki iuan mofamilia.
“Ken uelis tiyolpakis iuan mofamilia” (¡Xtlachiakan!, núm. 2 2018)
Xkita tleka tikijtouaj ika Biblia uelis mitspaleuis xkasikamati akinon melauak kiyekana tlaltikpaktli.
Puede que también le interese
TLEN MIYEKPA NOTLAJTOLTILO
¿Kenon nochiua ijkuak se kimachtiaj itech Biblia?
Ijkuak mitsmachtiskej iteixpantijkauan Jehová uelis tijkuis maski san katlejua Biblia. Uelis ompa nemiskej mochanejkauan noso moamigos.
