Jehová kineki matiyolpakikan, ika yejon, hasta techkauilia matikinpanoltikan seki iluimej. San ika ¿kuelita matikinpanoltikan nochi iluimej tlen nochiuaj ipan yejuin tonaltin? ¿Kenijki uelis tikteititiskej ika tiktlasojtlaj Jehová niman ika xtiknekij tikyolkokoskej?

1. ¿Tleka Jehová xkuelita matikinpanoltikan nochi iluimej?

Kanaj mitsmojkatlachialtis tikmatis ika miyek iluimej ualeuaj itech religiones tlen xmelajkej niman ika ompa nochiua tlen toTajtsin xkuelita. Seki iluimej ualeuaj itech naualyotl niman kichiuaj ika miyekej makineltokakan ika tikpiyaj se alma tlen xmiki. Miyek iluimej nopanoltiaj pampa nonemilia ika tla tikinpanoltia yejon iluimej, mitsmakaskej suerte (Isaías 65:11). Ika yejon, Jehová techijlia matotlajpiyakan itech nochi yejuin, yejua kijtoua: “Maka xchiuakan on tlen xchipauak” (2 Corintios 6:17). a

2. ¿Tlenon kinemilia Jehová itech iluimej kampa yakaj kiueyiteneuaj?

Jehová techijlia maka matikchiuakan ijkon ken akin “kitlalia iyojlo intech on tlakamej”, pampa, tla ijkon tikchiuaj, xkuajli tonkisaskej (xkita Jeremías 17:5). Sekimej kimiluichiuiliaj tekiuajkej niman akin itlaj yokichiujkej ipampa inpaís. Oksekimej, iluichiuaj ipampa inpaís niman inpampa seki símbolos, ken bandera (1 Juan 5:21). Seki iluimej nochiuaj ipampa política noso pampa yakaj kineki itlaj tetlaneltokiltis. San ika, tla tejuamej tikueyiteneuaj yakaj noso tikpaleuiyaj se grupo kampa nochiua tlen toTajtsin xkuelita, ¿kenijki tiknemilia nomachilis Jehová?

3. ¿Tlenon ueliskia kichiuas ika se iluitl makiyolkoko Jehová?

Biblia kijtoua ika toTajtsin xkineki matitlauanikan niman ika xkinuelita iluimej kampa tlauanilo niman kampa kichiuaj tlen tepinajti (1 Pedro 4:3). Ipan seki iluimej, sekimej melak tlauanij niman xok kimatij tlenon kichiuaj niman hasta auilnemij. Tla tiknekij nochipa touikaskej iuan Jehová, xnoneki tikinpanoltiskej iluimej kampa nochiua tlen xkuajli.

 OKSEKI XKASIKAMATI

 5. Xkinpaleui oksekimej makitlakaitakan tlen tikneltoka

6. Jehová kineki matiyolpakikan

Jehová kuelita ijkuak tejuamej tiyolpakij imiuan akin ken tikimitaj niman imiuan toamigos. Xkitakan Eclesiastés 8:15 niman xtlajtokan itech yejuin:

• ¿Tleka tikijtouaj ika yejuin texto techititia ika Jehová kineki matiyolpakikan?

Jehová kineki ika itekipanojkauan san sekan manosentlalikan niman mayolpakikan. Xkitakan VIDEO, ompa nesi kenijki itekipanojkauan Jehová yolpakij ijkuak yauej ipan uejueyimej tlanechikoltin iuan miyekej países.

Xkitakan Gálatas 6:10 niman xtlajtokan itech yejuin:

• Tla tiknekij tikchiuaskej itlaj tlen kuajli inpampa oksekimej, ¿san uelis tikchiuaskej ipan se iluitl?

• ¿Tejua kemanon más tiyolpaki: ijkuak itlaj tiktetlayokolia pampa yoajsik se iluitl niman noneki itlaj tiktetlayokolis, noso ijkuak itlaj tiktetlayokolia pampa kisa ipan moyojlo?

• Miyekej iteixpantijkauan Jehová kemantika kichiuaj itlaj niman ijkon manoyolpaktikan inkoneuan, niman hasta itlaj kintlayokoliaj. Tla tejua tikinpiya mokoneuan, ¿tlenon ueliskia tikchiuas niman ijkon yejuamej manoyolpaktikan?

 TLEN OTIUEL

Jehová kineki matoyolpaktikan imiuan akin ken tikimitaj niman imiuan toamigos, san ika, xkineki matikinpanoltikan iluimej tlen yejua xkinuelita.

¿Kenon titlanankiliskia?

• ¿Tlenon noneki totlajtoltiskej niman ijkon tikmatiskej tla Jehová kuelita noso xkuelita se iluitl?

• ¿Kenijki uelis tikinpaleuiskej akin ken tikimitaj niman akin imiuan touikaj makasikamatikan tleka xtikinpanoltiaj seki iluimej?

• ¿Tleka tikmatij ika Jehová kineki matiyolpakikan?