TLAMACHTIJLI 59
Tejua uelis titlaxikos ijkuak mitstlaueltokaskej
Tinochimej akin tiktekichiuiliaj Jehová kuajli tikmatstokej ika miyekej techtlauelitaskej niman hasta techtlaueltokaskej. ¿Yejon noneki techmojtis?
1. ¿Tleka xtechmojkatlachialtia ijkuak techtlaueltokaj?
Biblia kijtoua ika “nochimej kintlauelitaskej niman kintlajyouiltiskej on yejuan kinekiskej nouikaskej yolchipajkej itech Cristo Jesús” (2 Timoteo 3:12). Jesús okitlaueltokakej pampa xokichiuj ijkon ken akin kinokauiliaj makinyekana Satanás. Niman, pampa tejuamej noijki xtikchiuaj ijkon ken kichiuaj oksekimej, tekiuajkej niman religiones noijki techtlaueltokaj (Juan 15:18, 19).
2. ¿Tlenon uelis techpaleuis matitlaxikokan ijkuak techtlaueltokaskej?
Noneki tokojtiliskej más titlaneltokaskej itech Jehová. ¿Niman kenijki uelis tikchiuas yejuin? Tla mojmostla tikxeloua tiempo para tiknotsas Jehová niman tla tikamapoua Biblia. Noijki, tla timokojtilia nochipa tias tlanechikoltin. Nochi yejuin mitspaleuis xtlaxiko ijkuak mitstlaueltokaskej, maski tla mochanejkauan yejuamej akin mitstlaueltokaj. Apóstol Pablo, akin miyekpa okitlaueltokakej, okijto ika xnomojtiaya pampa Jehová yejua akin kipaleuiaya, yejua okijto: “NoTEKO yejua nechpaleuiya. Yejua ika, xnikmakajsis on tlen uelis nechchiuilis yakaj tlakatl” (Hebreos 13:6).
Tla tokojtiliaj nochipa titenojnotsaskej, noijki techpaleuis más matiyolchikauikan. Ijkuak titenojnotsaj, más titlaneltokaj itech Jehová niman xok titemakasij (Proverbios 29:25). Desde aman xmokojtili tiyolchikauak yes. Yejuin mitspaleuis maka timomojtis titenojnotsas ijkuak tekiuajkej xok techkauiliskej matitenojnotsakan (1 Tesalonicenses 2:2).
3. ¿Tleka tikijtouaj ika melak techpaleuis tla titlaxikouaj ijkuak techtlaueltokaskej?
Melauak, tejuamej xtikuelitaj matechtlaueltokakan, san ika, ijkuak titlaxikouaj, más chikaui totlaneltokil. Niman más kuajli touikaj iuan Jehová pampa tikitaj kenijki yejua techpaleuiya ijkuak tejuamej tiknemiliaj ika san toselti xok uelis titlaxikoskej (xkita Santiago 1:2-4). Jehová melak kiyolkokoua ijkuak kita ika titlajyouiyaj, san ika, melak yolpaki ijkuak kita ika titlaxikouaj. Biblia kijtoua: “Tla nentlajyouiyaj pampa onenkichijkej on tlen kuajli, niman kuajli nenkixikouaj ikan yolseuilistli, kemaj Dios nenkipaktiaj” (1 Pedro 2:20). Nochimej akin tlaxikoskej niman akin xkeman kikauaskej toTajtsin Jehová, yejua kinmakas se nemilistli tlen xkeman tlamis ipan se kualtsin tlaltikpaktli kampa xok nemiskej akin kitlauelitaj ikalpan toTajtsin (Mateo 24:13).
OKSEKI XKASIKAMATI
Xkita tleka tikijtouaj ika uelis nochipa tiktlakamatis Jehová maski tla mitstlaueltokaj. Noijki matikitakan kenijki techteochiuas toTajtsin tla tejuamej titlaxikouaj.
4. Uelis titlaxikos maski tla akin ken tikimita xkinekij xtekichiuili toTajtsin
Jesús okijto ika sekimej akin ken tikimitaj ueliskia kualaniskej pampa tiktekichiuiliaj Jehová. Xkitakan Mateo 10:34-36 niman xtlajtokan itech yejuin:
-
Ijkuak yakaj peua kitekichiuilia Jehová, ¿tlenon ueliskia kichiuaskej akin ken kimita?
Xkitakan VIDEO niman ijkon nenkimixmatiskej sekimej tokniuan akin ijkon inpan onochiujka. Tla yonenkitakej video, aman xtlajtokan itech yejuin:
-
¿Tlenon tikchiuaskia tla se mochanejkauj noso yakaj akin kuajli iuan timouika mitsijliskia maka sa xtekichiuili Jehová?
Xkitakan Salmo 27:10 niman Marcos 10:29, 30. Ijkuak nenkitaskej se texto, xtlajtokan itech yejuin:
-
¿Kenijki uelis mitspaleuis yejuin texto ijkuak mochanejkauan noso akin imiuan timouika mitschiualtisnekiskej maka sa xtekichiuili Jehová?
5. Xtekichiuili Jehová maski tla mitstlaueltokaj
Melak noneki tiyolchikaujkej yeskej niman ijkon tiktekichiuiliskej Jehová maski tla oksekimej texchiualtisnekiskej maka sa matiktekichiuilikan. Xkitakan VIDEO niman xtlajtokan itech yejuin:
-
Itech nochi tlen onoijto ipan video, ¿tejua tlenon más omitsyolchikauj?
Xkitakan Hechos 5:27-29 niman Hebreos 10:24, 25. Ijkuak nenkitaskej se texto, xtlajtokan itech yejuin:
-
¿Tleka melak noneki matiktekichiuilijtokan Jehová maski tla tekiuajkej xok techkauiliskej matitenojnotsakan noso matonechikokan?
6. Jehová mitspaleuis xtlaxiko
Tokniuan telpokamej niman ueuentsitsintin de miyekej países yotlaxikojkej niman yokiteititijkej ika nochipa kinekij kitlakamatiskej Jehová maski kintlaueltokaj. Xkitakan VIDEO niman ijkon nenkitaskej tlenon yokinpaleui nochipa makitlakamatikan Jehová. Tla yonenkitakej video, aman xtlajtokan itech yejuin:
-
¿Tlenon okinpaleui yejuin tokniuan matlaxikokan?
Xkitakan Romanos 8:35 niman 37-39, niman noijki xkitakan 2 Corintios 4:7. Ijkuak nenkitaskej se texto, xtlajtokan itech yejuin:
-
¿Kenijki mitsititia yejuin texto ika tejua uelis titlaxikos maski san tlenon tikixnamikis?
Xkitakan Mateo 5:10-12 niman xtlajtokan itech yejuin:
-
¿Tleka uelis tiyolpakis ijkuak mitstlaueltokaskej?
Miyekej itekipanojkauan Jehová otlaxikojkej ijkuak okintlaueltokakej. ¡Tejua noijki uelis titlaxikos!
SEKIMEJ KIJTOUAJ: “Tla techtlaueltokaj, nejua xuelis nitlaxikos”.
-
¿Katlejua textos ueliskia kiyolchikauaskej akin ijkon tlanemilia?
TLEN OTIUEL
Jehová melak kipatiojkaita ijkuak kita ika tejuamej tokojtiliaj tiktekichiuiliskej maski techtlaueltokaj. ¡Jehová techpaleuis matitlaxikokan!
¿Kenon titlanankiliskia?
-
¿Tleka akin tiktekichiuiliaj Jehová xtechmojkatlachialtia ijkuak techtlaueltokaj?
-
¿Tlenon uelis tikchiuas aman niman ijkon titlaxikos ijkuak techtlaueltokaskej?
-
¿Tleka kuajli tikmatstika ika tejua uelis tiktekichiuilis Jehová maski san tlenon mapano?
OKSEKI XKITA
Xkita kenijki Jehová okipaleui se tokniuj telpochtli akin okitsajkej pampa kinekiya nochipa kitlakamatis Jehová.
Xkita tlenon okipaleui se tokniuj iuan isiuatsin kuajli makitekichiuilikan Jehová maski kintlaueltokayaj.
Xkita tlenon uelis mitspaleuis niman ijkon tiyolchikauak yes ijkuak mitstlaueltokaskej.
“¿Tikchiujtokej tlen techpaleuis ijkuak techtlaueltokaskej?” (Amatl Tekakistilijketl, julio de 2019)
¿Tlenon noneki tikilnamikiskej ijkuak tochanejkauan kichiuasnekiskej maka sa matiktekichiuilikan Jehová? ¿Tlenon uelis tikchiuaskej? ¿Niman tlenon techpaleuis matitlaxikokan?
“Tlen melauak xkuajkui yolseuilistli, yej tlauelitalistli” (Amatl Tekakistilijketl, octubre de 2017)
Puede que también le interese
TLEN MIYEKPA NOTLAJTOLTILO
¿Kenon nochiua ijkuak se kimachtiaj itech Biblia?
Ijkuak mitsmachtiskej iteixpantijkauan Jehová uelis tijkuis maski san katlejua Biblia. Uelis ompa nemiskej mochanejkauan noso moamigos.
