Satanás techtlatlata niman ijkon matikchiuakan tlen xkuajli. Tla tiknekij iuan touikaskej toTajtsin, noneki tiktlauelitaskej tlen yejua kitlauelita (Romanos 12:9). Yejuin san seki tlemach tlen xkichiuaskej akin iuan nouikaj toTajtsin:

Tlajtlakojli tlen kichiua se tlakatl iuan siuatl. “Ma ka tiauilnemis.” (Romanos 13:9.) Xkuajli tla se tlakatl notekas iuan se siuatl ijkuak xinonamiktiaj (1 Corintios 6:18).

Tlauanilistli. “Ma ka matitlauantinemikan.” (Romanos 13:13.)

Temiktilis. “Ma ka xtemiktikan.” Noijki ijkuak se siuatl xkineki kipiyas ikoneuj niman kitlakali ijkuak xiuajtlakati noijki temiktia (Santiago 2:11).

Tlachtekilis. “Yejuan tlachteki, ma kajkaua ika tlachteki.” (Efesios 4:28.)

Tlakajkayaualistli. “Ma ka xmojlikan on tlen xmelauak iuan oksekimej.” (Colosenses 3:9.)

 Nouisokij niman sajnoye kualanij. “Jehová kitlauelita akin kuelita teuisokis.” (Salmo 11:5.) “On yejuan kichiuaj on tlen xkuajli [...] san itlaj ikatsin nimantsin kualanij” (Gálatas 5:19, 20).

Auiltin. “Pampa ijkuak se kitlalia iyojlo itech on tomin, ompa peua nochi tlajtlamach tlen xkuajli. [...] Niman aman kipiaj miyek ajmantli ipan innemilis.” (1 Timoteo 6:10.)

Xtikintlauelitas akin tlajtoaj okse tlajtojli noso akin ualeuaj oksekan. “Xkintlajsojtlakan on nemotlauelikniuan [...] xchiuakan oración para on yejuan mechchiuiliaj on tlen xkuajli.” (Mateo 5:43, 44.)

Tlen toTajtsin techijlia techpaleuia kuajli matinemikan. Xtikchiuas tlen xkuajli kemantika ouijtika san ika Jehová niman iTeixpantijkauan, uelis mitspaleuiskej maka xchiua tlen yejua xkuelita (Isaías 48:17; 2 Corintios 4:7; Hebreos 10:24, 25).