Tlen noneki kimatiskej akin ouajlakej
OKSEKI TLANECHIKOLTIN TLEN NOPANOLTIAJ
TITEKITIS BETEL. Nochi tenojnotskej akin yonoapolaktijkej akin xkipanauiyaj 35 xiuitl niman kinekij tekitiskej Betel noneki yaskej ipan tlanechikojli tlen nopanoltis viernes ika teotlak. Ipan plataforma noteijlis tlen hora niman kanon nochiuas yejuin.
TLAMACHTIJLI TLEN KISELIAJ AKIN TENOJNOTSAJ ITECH ITEKIUAJYO TOTAJTSIN. Tikinyolchikauaj nochimej precursores akin kipiyaj 23 hasta 65 xiuitl akin kinekiskej kiueyiliskej intekiyo itech toTajtsin, manemikan yejuin domingo ika teotlak ipan se tlanechikojli. Ipan plataforma noteijlis tlen hora niman kanon nochiuas yejuin.
TLEN NONEKI KIMATISKEJ AKIN OUAJLAKEJ
AKIN KINEKI TLAPALEUIS. Tla tikneki titlapaleuis ipan tekitl tlen nochiua ipan yejuin toueyitlanechikol, xuiya kampa uelis mitsijliskej kampa uelis titlapaleuis.
APOLAKTILISTLI. Ixpan plataforma noxelos kampa notlaliskej akin noapolaktiskej, uelis ompa nokauaskej tla xkimijliaj itlaj okse. Akin noapolaktiskej noneki notlaliskej kachtopa peuas tlamachtijli itech apolaktilistli ipan sábado ika kualkan. Nochimej noneki kuajkuiskej se toalla niman intlaken tlen ipan noapolaktiskej tlen kuajli manesi.
KAMPA NOSEUILO. Timitstlajtlaniliaj ika xtlanemili itech oksekimej. Xkilnamiki ika san uelis tikxelos kampa noseuiskej mochanejkauan, akin mouan uajlauej ipan carro, akin mouan chantij noso akin tikinmachtia itech Biblia. Maka itlaj xtlali kampa xtimoseuis.
KAMPA TLAPAJTILO. Xkilnamiki ika nikan SAN UELIS TIAS TLA YEMELAK NONEKI.
TESEUIJKEJ. Teseuijkej uelis mitspaleuiskej. Uelis tikinpaleuis tla tikchiua ken mitsijliaj kampa noneki nokauaskej carros, kampa noneki nojuitilos, ijkuak tikxelos kampa timoseuis niman okseki tlemach.
TLEMACH TLEN YOPOLIUJ. Tla tiknextia itlaj tlen xmotlatki, xtemakati kampa kisentlaliaj. Tla itlaj yotikpolo, ompa xtejtemoti. Noijki uelis ompa tikinuikas kokonej akin yopoliujkej. San ika, xkilnamiki ika ompa xkintlajpiyaj kokonej. Timitstlajtlaniliaj ika kuajli xkintlajpiya mokoneuan niman nochipa imiuan xnemi.
TLEN UELIS TIKTEMAKAS. Melak miyek tlen yonopopolo niman ijkon uelis tikpiyaskej kampa totlaliskej, tijkakiskej tlen nopanoltia niman tlen ika tikitaskej video, niman okseki miyek tlemach tlen techpaleuiya kuajli matomachilikan ipan toueyitlanechikol niman matiknisiuikan Jehová. Tlen tiktemaka tlapaleuiya manotlaxtlaua tlen yonopopolo niman kipaleuiya tekitl tlen nochiua ipan nochi tlaltikpaktli. Uelis tiktlalis ipan cajas kampa kijtouaj kanon uelis tiktlalis tlen tiktemakas. Melak notlasojkamati tlen nochimej kitemakaj. Grupo akin Tlayekana ipan nochi tlanechikoltin kineki mitstlasojkamachilis pampa tikpaleuiya itekiyo toTajtsin.
Tlen yokichijchiuj Grupo akin Kinyekana iTeixpantijkauan Jehová
