¿Tikilnamiki kemantika seki tonaltin ijkuak kualtsin otipanok iuan akin kitekichiuiliaj Jehová, itech se tlanechikojli tlen omitsyolchikauj, itech se ueyi tlanechikojli, tlen melak kuajli mopan onochiuj ijkuak otitenojnotsato noso san kenon melak kualtsin otitlajtoka iuan se tokniuj? Tla kema, kijtosneki ika xtikilkaua Jehová, niman yejua noijki xmitsilkaua. Yejua kualtsin kilnamiki motekiyo. Niman yejua kineki mitspaleuis xmokuepa itech.

Jehová kijtoua: “Nikintejtemos noborreguitos niman nikintlajpiyas. Nikintlajpiyas noborreguitos ken se tlajpixketl akin kinnextia iborreguitos akin yonoxelojkaj niman kintlakualtia. Nejua nikinmakixtis itech nochiuiyan kampa onoxelojkaj” (Ezequiel 34:​11, 12).