“[Akin yomijkej] yoliuiskej.” (Hechos 24:15, In Yencuic Iyectlajtoltzin Dios ican Náhuatl de Guerrero.)

Techyolseuis ijkuak mikis se tochanejkauj (2 Corintios 1:3, 4).

Xok tikmakasiskej mikilistli ijkon ken aman melak tikmakasij (Hebreos 2:15).

Yemelak tikneltokaskej ika oksejpa tikimitaskej akin tikintlasojtlaj (Juan 5:28, 29).

Kema, matikitakan san yeyi:

• ToTajtsin otechmakak tonemilis.  Biblia kijtoua ika Jehová “otechmakak [...] tonemilis” (Hechos 17:24, 25; Salmo 36:9). Tla toTajtsin okimakak nemilistli nochi tlen yoltok, kuakon, uelis kinyolitis akin yomijkej.

• Yeuejkaui toTajtsin okinyoliti akin yomijkaj.  Biblia kinteneua chikueyimej tlaltikpakchanejkej akin okinyolitijkej. Yejuin siuamej niman tlakamej, kokonej niman uejueyimej, oksejpa onenkej ipan tlaltikpaktli. Sekimej okinyolitijkej ijkuak san kemach omijkaj; san ika, se tlakatl okiyolitijkej ijkuak yopanoka naui tonajli ika yomijka (Juan 11:39-44).

• ToTajtsin melak kineki kinyolitis akin yomijkej.  Jehová melak kitlauelita mikilistli pampa kita kentla itlauelikniuj (1 Corintios 15:26). Melak kineki kipopolos yejuin itlauelikniuj niman kichiuas ijkuak kinyolitis akin yomijkej. Jehová kineki oksejpa manemikan ipan tlaltikpaktli akin xkimilkaua (Job 14:14, 15).