Tlen okijkuilo Lucas 3:1-38
3 Ijkuak Tiberio César kipiaya 15 años ika tlayekantoya, Poncio Pilato tlayekantoya Judea, Herodes* tlayekantoya Galilea, ikniuj Filipo tlayekantoya Iturea niman Traconítide niman Lisanias tlayekantoya Abilene.
2 Ijkuak Anás niman Caifás nemiyaj ken uejueyixtokej teopixkej, toTajtsin itlaj okijli Juan, ikoneuj Zacarías, ne tlaluaktli.
3 Juan otenojnotstia ipan nochi Jordán. Kiteijlijtiaya ika nonekiya noapolaktiskej para kiteititiskej ika yonoyolkuepkej niman para makintlapopoluikan intlajtlakoluan.
4 Onochiuj ijkon ken onoijkuilo ipan ilibro teotlajtojketl Isaías, kampa kijtouaya: “Ne ipan tlaluaktli yakaj chikauak kijtoua: ‘¡Xyektlalikan iojui Jehová! Xkinmelajkatlalikan iojuiuan.
5 Kitlaltemiltiskej* kampa tlajtlauejkatlan niman kixmanaskej* kampa tejtepeyoj, kinmejmelauaskej ojtin tlen xmelajkej niman kinyejyektlaliskej ojtin kampa xtlakualkan.
6 Nochimej kitaskej* kenijki temakixtis toTajtsin’”.
7 Kuakon Juan ijkin opeuj kimijlia akin itech uajlayaj para makinapolakti: “Nemejuamej ikoneuan kouamej, ¿akinon omechijli xcholokan ijkuak mechtlajtlakolmakaskej?
8 Kachtopa xteititikan ika yonemoyolkuepkej. Maka san no nemejuamej ijkin xmoijlikan ‘Abrahán yejua totaj’. Pampa nimechijlia ika toTajtsin uelis kichiuas ika yejuin temej makinpiyakan ikoneuan Abrahán.
9 On hacha sa nisiuj yokitlalijkej ipan inneluayo kojtin. Kuakon, tla se kojtli xkuajli tlatlakiltia kitsontekiskej niman kitlatiskej”.
10 Niman akin ompa nemiyaj kitlajtoltiayaj: “Kuakon, ¿tlenon noneki tikchiuaskej?”.
11 Yejua kinnankiliaya: “Akin kipiya ome itlakenuan makimaka akin xkipiya. Niman akin kipiya tlen kikuas noijki ijkon makichiua”.
12 Hasta akin kisentlaliaj tomin para gobierno oualajkej para makinapolakti niman okitlajtoltijkej: “Maestro, ¿tlenon noneki tikchiuaskej?”.
13 Yejua okinnankili: “Maka xtlajtlanikan tlen xok noneki”.
14 Soldados noijki ijkin kitlajtoltiayaj: “¿Tlenon noneki tikchiuaskej?”. Yejua kinnankiliaya: “Maka xtetlachtekilikan nion maka xtetlajtolchijchiuilikan, más kuajli tla nenkiseliaj san tlen mechtlaxtlauiliaj”.
15 Nochimej sa tlakaktoyaj niman notlajtoltiayaj* tla Juan yejua Cristo.
16 Para kimasikamachiltis yejuin, Juan ijkin okimijli: “Nejua nimechapolaktia ika atl, pero uajlauj* yakaj akin más kojtik xijkon ken nejua niman nejua nion xnechnamiki nikintojtomilis ikakuan.* Yejua mechapolaktis ika espíritu santo niman ika tlitl.
17 Ipan ima kipiya tlen ika kikajkaniaj* trigo niman ijkon kichipauas nochi itlal, kisentlalis itrigo niman kejyeuas pero yejon tlasojli tlen okisentlali kitlatis ika tlitl tlen xuelij kiseuiyaj”.
18 Noijki okimijli okseki tlen ueliskia kinpaleuis akin ompa nemiyaj niman okimijli on kuajli tlajtoltin.
19 Juan kajuaya Herodes, akin tlayekanaya, ipampa tlen opanoka iuan Herodías, isiuauj ikniuj, niman ipampa nochi tlen xkuajli yokichijka.
20 Yejua ika, Herodes okichiuj okse itlaj tlen más xkuajli, okichiuj makitsakuakan Juan.
21 Ijkuak nochimej kinapolaktijtoyaj, Jesús noijki okiapolaktijkej. Niman ijkuak yejua kichijtoya oración, cielo otlapouj
22 niman onoitak kenijki espíritu santo ipan ouajtemok kentla se paloma. Niman desde ne cielo ijkin ouajkakistik: “Tejua tinoKoneuj akin melak niktlasojtla. Tejua melak tinechyolpaktia”.
23 Jesús kipiaya kanaj 30 años ijkuak opeuj tenojnotsa. Miyekej kinemiliayaj ika katkaikoneuj José,akin ikoneuj Helí,
24 ikoneuj Matat,ikoneuj Leví,ikoneuj Melquí,ikoneuj Janaí,ikoneuj José,
25 ikoneuj Matatías,ikoneuj Amós,ikoneuj Nahúm,ikoneuj Eslí,ikoneuj Nagái,
26 ikoneuj Maat,ikoneuj Matatías,ikoneuj Semeín,ikoneuj Josec,ikoneuj Jodá,
27 ikoneuj Joanán,ikoneuj Resá,ikoneuj Zorobabel,ikoneuj Sealtiel,ikoneuj Nerí,
28 ikoneuj Melquí,ikoneuj Adí,ikoneuj Cosam,ikoneuj Elmadam,ikoneuj Er,
29 ikoneuj Jesús,ikoneuj Eliezer,ikoneuj Jorim,ikoneuj Matat,ikoneuj Leví,
30 ikoneuj Simeón,ikoneuj Judas,ikoneuj José,ikoneuj Jonam,ikoneuj Eliaquim,
31 ikoneuj Meleá,ikoneuj Mená,ikoneuj Matatá,ikoneuj Natán,ikoneuj David,
32 ikoneuj Jesé,ikoneuj Obed,ikoneuj Boaz,ikoneuj Salmón,ikoneuj Nahsón,
33 ikoneuj Aminadab,ikoneuj Arní,ikoneuj Hezrón,ikoneuj Pérez,ikoneuj Judá,
34 ikoneuj Jacob,ikoneuj Isaac,ikoneuj Abrahán,ikoneuj Taré,ikoneuj Nacor,
35 ikoneuj Serug,ikoneuj Reú,ikoneuj Péleg,ikoneuj Éber,ikoneuj Selá,
36 ikoneuj Cainán,ikoneuj Arpaksad,ikoneuj Sem,ikoneuj Noé,ikoneuj Lamec,
37 ikoneuj Matusalén,ikoneuj Enoc,ikoneuj Jared,ikoneuj Mahalaleel,ikoneuj Cainán,
38 ikoneuj Enós,ikoneuj Set,ikoneuj Adán,ikoneuj toTajtsin.
Notas
^ Noso “kitlaltemaskej”.
^ Noso “kitlalmantsintiliskej”, “kimantiliskej”.
^ Ika griego kijtoua “nochi nakatl kitas”.
^ Ika griego kijtoua “tlanemilijtoyaj ipan inyojlo”.
^ Noso “uits”.
^ Noso “ikuetlaxkakuan”.
^ Noso “kitsejtselouaj”.
