Tlen okijkuilo Mateo 1:1-25
1 Yejuin libro tlajtoua itech Jesucristo,* akin ikoneuj David niman akin ikoneuj Abrahán.
2 Abrahán okipix se ikoneuj akin okitokayoti Isaac;Isaac okipix se ikoneuj akin okitokayoti Jacob;Jacob okipix se ikoneuj akin okitokayoti Judá niman okinpix oksekimej ikoneuan;
3 Judá ononamikti iuan Tamar niman okinpixkej inkoneuan akin okintokayotijkej Pérez niman Zérah;Pérez okipix se ikoneuj akin okitokayoti Hezrón;Hezrón okipix se ikoneuj akin okitokayoti Ram;
4 Ram okipix se ikoneuj akin okitokayoti Aminadab;Aminadab okipix se ikoneuj akin okitokayoti Nahsón;Nahsón okipix se ikoneuj akin okitokayoti Salmón;
5 Salmón ononamikti iuan Rahab niman okipixkej se inkoneuj akin okitokayotijkej Boaz;Boaz ononamikti iuan Rut niman okipixkej se inkoneuj akin okitokayotijkej Obed;Obed okipix se ikoneuj akin okitokayoti Jesé;
6 ikoneuj Jesé katka rey David;
David ononamikti iuan isiuauj Urías niman okipixkej se inkoneuj akin okitokayotijkej Salomón;
7 Salomón okipix se ikoneuj akin okitokayoti Rehoboam;Rehoboam okipix se ikoneuj akin okitokayoti Abías;Abías okipix se ikoneuj akin okitokayoti Asá;
8 Asá okipix se ikoneuj akin okitokayoti Jehosafat;Jehosafat okipix se ikoneuj akin okitokayoti Jehoram;Jehoram okipix se ikoneuj akin okitokayoti Uzías;
9 Uzías okipix se ikoneuj akin okitokayoti Jotán;Jotán okipix se ikoneuj akin okitokayoti Acaz;Acaz okipix se ikoneuj akin okitokayoti Ezequías;
10 Ezequías okipix se ikoneuj akin okitokayoti Manasés;Manasés okipix se ikoneuj akin okitokayoti Amón;Amón okipix se ikoneuj akin okitokayoti Josías;
11 ikoneuj Josías katka Jeconías niman okinpix oksekimej ikoneuan ijkuak judíos okinuikakej Babilonia.
12 Sakin ika judíos okinuikakej Babilonia, Jeconías okipix se ikoneuj akin okitokayoti Sealtiel;Sealtiel okipix se ikoneuj akin okitokayoti Zorobabel;
13 Zorobabel okipix se ikoneuj akin okitokayoti Abiud;Abiud okipix se ikoneuj akin okitokayoti Eliaquim;Eliaquim okipix se ikoneuj akin okitokayoti Azor;
14 Azor okipix se ikoneuj akin okitokayoti Sadoc;Sadoc okipix se ikoneuj akin okitokayoti Aquim;Aquim okipix se ikoneuj akin okitokayoti Eliud;
15 Eliud okipix se ikoneuj akin okitokayoti Eleazar;Eleazar okipix se ikoneuj akin okitokayoti Mattán;Mattán okipix se ikoneuj akin okitokayoti Jacob;
16 ikoneuj Jacob katka José, akin ononamikti iuan María. Niman María okipix Jesús, akin kijliaj Cristo.
17 Kuakon, ika nochi onenkej 14 tajtin desde Abrahán hasta David, 14 tajtin desde David hasta ijkuak judíos okinuikakej Babilonia niman 14 tajtin desde ijkuak judíos okinuikakej Babilonia hasta ijkuak oyejkok Cristo.
18 Yejuin tlen opanok ijkuak onemiko Jesucristo. Inan, akin itoka María, nonamiktiskia iuan José, pero achto ika iuan nonamiktiskia,* espíritu santo okichiuj ika ijtik mapeua manoskalti se konetsintli.
19 José kipiaya kuajli iyojlo niman xkinekiya ika María manopinajti imixpan nochimej. Yejua ika, kinemilijtoya kikauas san ichtaka.
20 Pero ijkuak José yokinemilijka kichiuas nochi yejuin, ¡xkakikan!, iángel Jehová* okinotiti ijkuak tlatemiktoya niman okijli: “José, ikoneuj David, maka xmomojti tikuikas María mochan, pampa espíritu santo okichiuj ika yejua makipiya se ikonetsin.
21 María kinemitis se konetsintli niman noneki tiktokayotis Jesús,* pampa yejon konetsintli kichiuas ika nochimej akin nemij ipan ipueblo maka sa makipiyakan tlajtlakojli”.
22 Nochi yejuin opanok para manochiua nochi tlen Jehová yokijtojka ipampa* iteotlajtokauj.
23 Yejua ijkin yokijtojka: “¡Xkakikan! Yejon ichpochtli akin xenonamiktia, kinemitis se ikoneuj akin kitokayotiskej Emmanuel”, tlen kijtosneki “toTajtsin touan nemi”.
24 Ijkuak José otlachix,* okuikak María ichan, ijkon ken yokinauatijka iángel Jehová.
25 Pero xiuan onotekak hasta ijkuak okinemiti yejon konetsintli. Niman yejua okitokayoti Jesús.
Notas
^ Noso “Jesús akin Mesías”. Cristo noso Mesías kijtosneki akin ‘yokitlapejpenijkej’.
^ Ika griego kijtoua “onoitak ika”.
^ Itoka toTajtsin, Jehová, uajnestiuj 237 veces ipan Tlajkuiloltin ika Griego. Nikan kampa kachtopa uajnestiuj.
^ Ika hebreo noijtoua Jesúa, noso Josué, tlen kijtosneki ‘Jehová temakixtia’.
^ Noso “itechkopa”.
^ Noso “oijsak”.
