Nochi xiujtin, miyekej tokniuan akin youejkauj xok tenojnotsaj uajlauej ijkuak noilnamiki imikilis Cristo. Yejuamej opeujkej notlalouaj ipan ojtli tlen teuika itech nemilistli, san ika, yolik okikajkaujtiajkej pampa itlaj tlemach opanok, ijkon ken kijtoua amatlajkuilojli Xmokuepa itech Jehová (Heb 12:1). Akin youejkauj xok tenojnotsaj Jehová ok melak kinpatiojkaita, pampa okinkouj ika iyesyo iKoneuj (Hch 20:28; 1Pe 1:18, 19). ¿Kenon uelis tikinpaleuiskej manokuepakan ipan tlanechikojli?

Tlayekankej ipan tlanechikojli kitejtemouaj kenon kinpaleuiskej tokniuan akin youejkauj xok tenojnotsaj, ijkon ken se melak kuajli tlajpixketl nochikaua kintejtemoua iborreguitos akin yopoliujkej (Lu 15:4-7). Yejuin kiteititia ika Jehová melak kintlasojtla (Jer 23:3, 4). San ika, xsan tlayekankej ueliskej kinyolchikauaskej yejuin tokniuan; tinochimej uelis tikchiuaskej. Maski san tlenon tikchiuaskej ijkuak tikimititiskej tlasojtlalistli, melak tepaleuis niman Jehová melak kuelitas (Pr 19:17; Hch 20:35). Kuakon, xnemili itech yakaj akin uelis tikyolchikauas iuan nimantsin xchiua.

XKITA VIDEO ANIMEMOS A LOS INACTIVOS. SAKIN XKINNANKILI YEJUIN TLAJTOLTILISTIN:

• ¿Tlenon okichiuj Abbey ijkuak okixmat se tokniuj siuatl akin youejkauj xok tenojnotsa?

• ¿Tleka noneki titlajtoskej imiuan tlayekankej tla tiknemilijtokej tikpaleuiskej yakaj akin youejkauj xok tenojnotsa?

• ¿Kenon onoyektlali Abbey ijkuak ika okpa okitato Laura?

• ¿Kenon Abbey xonosiaujkauj, okiteititi tlasojtlalistli niman miyekpa okitejtemo kenon kipaleuis Laura?

• ¿Tlenon techmachtia tlen Jesús okijto ipan Lucas 15:8-10?

• ¿Tlenon kuajli opanok pampa nochimej onokojtilijkej okipaleuijkej Laura?