¿Tleka melak okajman Jesús ken tlanemiliayaj tlamachtijkej ipan tlanauatijli? Pampa okitlalijkej okseki tlanauatiltin itech tlanauatijli itech sábado, ijkon okichiujkej manochiua melak yetik. Se neskayotl, xueliya nomiktiaya se tekpin. San tepajtiayaj tla se ueliskia mikis. Yejuin kijtosnekiya ika tla se postekiya iomiyo noso nekuiliuiya itlaj itech itlalnakayo xueliskia kipajtiskej ipan sábado. Kuajli nesi ika tlayekankej itech tlanauatijli nion achijtsin xkikneliayaj yejon tlakatl akin masepoujtoya.
