Jacob kimatstoya ika san Jehová kimelaua makiueyichiuakan maski xionkatka se tlanauatijli kampa makijto ika maka makiueyichiuakan tajtsitsintin (Éx 20:3-5). Ika yejon, ijkuak Jehová okijli oksejpa mauiya Betel, Jacob okimijli ichanejkauan niman nochimej akin iuan nemiyaj, makinpopolokan intajtsitsinuan. Noijki Jacob okintlalpachoj nochi tajtsitsintin niman pipinoltin, tlen yeuejkaui kanaj ika notlajpiayaj (Gé 35:1-4). Kuajli tikmatstokej ika tlen okichiuj Jacob melak okiyolpakti Jehová.

Niman aman, ¿kenon uelis san Jehová tikueyichiuaskej? Kachtopa, maka matikinpiyakan tajtsitsintin noso tlen kipiya naualyotl. Yejuin kijtosneki ika noneki tikmapeuaskej nochi tlen kipiya naualyotl niman kuajli tiktlapejpeniskej tlen ika toyolpaktiskej. Xmotlajtolti: “¿Nikinamapoua libros noso nikimita películas kampa uajnesij vampiros, zombis noso itlaj tlen kipiya naualyotl? ¿Ninoyolpaktia ika tlen xmás nesi ika kipiya magia noso kampa tenaualuiyaj?”. Noneki tikmapeuaskej nochi tlen Jehová kitlauelita (Sl 97:10).

XKITAKAN VIDEO “XKIXNAMIKIKAN ON DIABLO”, SAKIN XNANKILIKAN YEJUIN:

• ¿Tlenon kixnamiktika Palesa akin kemach nomachtijtika Biblia?

• ¿Tleka melak tepaleui tla tikimijliaj tlayekankej ijkuak tikixnamikij itlaj tlen kipiya naualyotl?

• Tla tiknekij ika Jehová matechtlajpiya, ¿tlenon noneki tiktlajkaliskej?

• ¿Tlenon okichiuj Palesa?

• Kampa tichantij, ¿kenon uelis totlajpiyaskej itech xkuajkualtin espíritus?