MATINEMIKAN KEN CRISTO
Xkilnamikikan isiuauj Lot
¿Tleka isiuauj Lot oontlachix ika tlakuitlapan ijkuak cholojtoya itech Sodoma? Biblia xkijtoua tleka (Gé 19:17, 26). Tlen okijto Jesús kiteititia ika kanaj okichiuj pampa okiyoltilan nochi tlemach tlen okikaujteuj (Lu 17:31, 32). ¿Tlenon noneki tikchiuaskej niman ijkon xtikpoloskej ken touikaj iuan toTajtsin ijkon ken isiuauj Lot? Maka kachtopa matiktejtemokan miyek tlajtlamach (Mt 6:33). Jesús otemachti ika “xakaj uelis kitekichiuilis Dios niman no kinotekimakas on tomin” (Mt 6:24). Kuakon, ¿tlenon uelis tikchiuaskej tla tikitaj ika kachtopa tikyejyekouaj tikpiyaskej miyek tlemach niman xok tikpiyaj tiempo tikchiuaskej itekiyo toTajtsin? Uelis tiktlajtlaniliskej Jehová matechpaleui matikitakan tlenon noneki tikpatlaskej, matechmaka yolchikaualistli niman matechpaleui matikchiuakan tlen techpoloua.
IKA VIDEO XKILNAMIKIKAN ISIUAUJ LOT, TLEN YEXKAN XELIUJTOK, XKINNANKILIKAN YEJUIN TLAJTOLTILISTIN:
-
¿Kenon uelis nikteititis, itech tlen nikchiua, ika nikilnamiki isiuauj Lot?
¿Kenon okijtlako Gloria itech ken tlanemiliaya, tlajtouaya niman kichiuaya, tlen kijliayaj oksekimej itech tomin?
-
¿Tlenon techmachtia ipan yejuin tonajli tlen ipan onochiuj isiuauj Lot?
-
¿Kenon okinpaleui tlajtolpaleuilistin tlen uajlauej ipan Biblia Joe niman ichanejkauan?
-
¿Kenon akin imiuan nouikaya Ana okijtlako itlaneltokil?
-
¿Tleka noneki yolchikaualistli niman ijkon xtiknekis kachtopa tiktejtemos tomin?
-
¿Tlenon okichiujkej Brian niman Gloria niman ijkon oksejpa kitlaliskej kachtopa ipan innemilis itekiyo toTajtsin?
-
¿Katlejua tlajtolyekanalistin tlen uajlauej ipan Biblia noteititiaj ipan yejuin video?
