Ijkuak Pablo okitlajkuilouili Tito, okijto ika telpokamej, ijkon ken Tito, nonekiya nokojtiliskej kiteititiskej ika kichiuaj “nochi tlajtlamach tlen kuajli” (Tit 2:6, 7). Sakin, ipan san no yejua capítulo, okijto ika nochipauaskia ikalpan Jehová niman ijkon ika inyojlo ueliskia kichiuaskej “nochi tlen kuajli” (Tit 2:14). Niman tejuamej tikchiuaj seki itech yejon “kuajli” tekitl ijkuak titenojnotsaj niman titemachtiaj itech iTekiuajyo toTajtsin. Telpochtli, ¿uelis tiktekitiltis mokojtilis ipan precursorado auxiliar noso regular? (Pr 20:29).

Tla yotiknemili timochiuas precursor, kuajli xkita kenon uelis tikchiuas yejon tekitl (Lu 14:28-30). San xkonemili, ¿kenon tiktlaxtlauas nochi tlen mitspoloua ijkuak tiprecursor yes? ¿Tlenon tikchiuas niman ijkon tikaxiltis horas? Xkijli Jehová tlen tiknemilijtika tikchiuas (Sl 37:5). Xkimijli motajuan niman oksekimej precursores tlen yotiknemili tikchiuas. Sakin, xchiujtiuj tlen noneki niman ijkon uelis timochiuas precursor. Kuajli xmatsto ika Jehová kiteochiuas nochi tlen yotiknemili tikchiuas.

XKITAKAN VIDEO TELPOKAMEJ AKIN KIYOLPAKTIAJ JEHOVÁ, SAKIN XNANKILIKAN YEJUIN:

• ¿Tlenon okipatlakej sekimej tokniuan niman ijkon ouel onochiujkej precursores, niman kenon okichiujkej?

• ¿Kenon tajtin uelis kinpaleuiskej inkoneuan manochiuakan precursores?

• ¿Tleka melak tepaleuij tla tikinxeloua tonaltin ika titenojnotsas?

• Ipan tlanechikojli, ¿kenon uelis tikinyolchikauaskej niman tikinpaleuiskej precursores?

• ¿Tlen tlateochiualistin kiseliaj precursores?