TLEKA MELAK NONEKI. Akin tlapejpeniltin niman okseki borreguitos, nochimej kinnotsaj niman kimijliaj makonikij “on atl de nemilistli yejuan notetlayokolia” (Ap 22:17). Yejuin atl kijtosneki nochi tlen Jehová yokichiuj niman ijkon kinmakixtis itech tlajtlakojli niman mikilistli nochimej akin tetlakamatij. Tla tiknekij tikinpaleuiskej akin tlamantik tlen kuajchiujtiuej niman kipiyaj okse intlaneltokil, noneki tikimijliskej “on kuajli tlajtojli yejuan para nochipa onkaj” ijkon ken yejuamej kinekiskiaj kikakiskej (Ap 14:6).

KENON TIKCHIUASKEJ:

• Tla tikneki tajsis ipan inyojlo akin tikinnojnotsas, xnemili itech tlenon imiuan titlajtos niman tlen texto uelis tijkuis. Uelis tiktlapejpenis se tlen onka ipan “Kenon peuas titenojnotsas” noso xtlanemili itech itlaj tlen yotikuika niman okichiuj kuajli mamitskakikan. Kampa tejua titenojnotsa, ¿itech tlenon kuelitaj tlajtoskej niman katlejua textos kichiuaj kuajli mamitskakikan? ¿Itech tlenon melak tlajtlatouaj? ¿Itech tlenon kuelitaj tlajtoskej tlakamej noso siuamej?

• Ijkuak iuan yakaj timonojnotsas, xtlanemili itech tlen kichiuaj niman kenon notlajpalouaj kampa tejua tichanti (2Co 6:3, 4).

• Kuajli xkimixmati toamatlajkuiloluan niman videos tlen onokej ipan tlen ika titemachtiaj, ijkon uelis tikintekitiltis iuan akin kinekiskej mitskakiskej.

• Xkintemolti amatlajkuiloltin niman videos ipan Internet ika tlajtoltin tlen nokuij kampa titenojnotsa.

• Tla tikita ika akin tiknojnotsas, xkineki kimatis itech tlen tejua yotiknemili titlajtos, xpatla ika tlen yejua kinekis kikakis (1Co 9:19-23). San xkonnemili, ¿tlenon tikijliskia tla akin tiknojnotstika mitsijlia ika kemach omik ichanejkauj?

XKITAKAN VIDEO NIMAN SAKIN XNANKILIKAN YEJUIN:

• ¿Itech tlenon opeuj tenojnotsa yejuin tokniu?

• ¿Tlenon kajmanaya akin kinojnotstoya?

• ¿Katlejua texto nonekiya kikuis, niman tleka?

• ¿Kenon tejua tikpapatla itech tlen titenojnotsa niman ijkon makinekikan mitskakiskej akin tikinnojnotsa?