MATINEMIKAN KEN CRISTO
Matomachtikan melak kuajli matitenojnotsakan: Matajsikan ipan inyojlo ika amoxtli “Nochipa xnemikan itech itlasojtlalis toTajtsin”
TLEKA MELAK NONEKI. Tlaltikpakchanejkej noneki kixmatiskej itlanauatiluan niman kintlakamatiskej Jehová niman ijkon yejua kiselis ken kiueyichiuaj (Isa 2:3, 4). Amoxtli “Itlasojtlalis toTajtsin”, ika ome toamox tlen ika titemachtiaj, kinpaleuiya akin nomachtijtokej Biblia makitakan kenon itlajtolyekanalisuan toTajtsin kinyekana mojmostla ipan innemilis (Heb 5:14). Noneki tochikauaskej tajsiskej ipan inyojlo akin tikinmachtiaj niman ijkon kipatlaskej innemilis ipampa ken kimelaua (Ro 6:17).
KENON TIKCHIUASKEJ:
-
Kuajli xmoyektlali. Xnemili itech tlen uelis kipaleuis akin tikmachtia. Xtlajtolti kenon kita itech tlen nenmomachtijtokej niman ijkon tikmatis tlenon kinemilia niman kimachilia (Pr 20:5; be-S pág. 259).
-
Xkintekitilti recuadros niman ijkon tikpaleuis akin tikmachtia makita kenon melak tepaleui tla kintlakamati itlajtolyekanalisuan Biblia.
-
Xpaleui akin tikmachtia matlanemili itech itlajtolyekanalisuan toTajtsin ijkuak kitlapejpenis tlen kichiuas, san ika, maka xkijli tlenon kichiuas (Gál 6:5).
-
Kuajli xkita tla akin tikmachtia noneki tikpaleuis niman ijkon kintlakamatis seki tlajtolyekanalistin. Ika kuajli tlajtoltin, xyolchikaua makipatla inemilis pampa kitlasojtla Jehová (Pr 27:11; Jn 14:31).
