Ijkuak Pablo niman Silas tsauktoyaj, yejuamej okikuikatilijkej Jehová (Hch 16:25). Yejon okinpaleui matlaxikokan. ¿Niman tejuamej? Tlakuikaltin tlen tokuikatiaj ipan Kajli kampa Tosentlaliaj niman okseki tlen tikinpiyaj ipan jw.org noijki uelis techyolchikauaskej niman techpaleuiskej matiyolmelaujkanemikan ijkuak tikixnamikij tlatlatalistin. Noijki, ika yejuin tikueyiteneuaj Jehová (Sl 28:7). Yotechijlikej ika noneki matikintsontekontlalikan seki tlakuikaltin. ¿Yotikyejyeko tejua? Ijkuak tikueyichiuas toTajtsin iuan mochanejkauan, uelis nemomajmachtiskej tlakuikaltin niman ijkon nenkintsontekontlaliskej.

XKITAKAN VIDEO KOKONEJ KIUEYITENEUAJ JEHOVÁ IKA TLAKUIKALTIN, SAKIN XKINNANKILIKAN YEJUIN TLAJTOLTILISTIN:

• ¿Kenon techpaleuiya pampa tokuikatiaj tlakuikaltin itech Tekiuajyotl?

• ¿Kenon noyektlalia grupo akin kichiua grabaciones niman videos niman ijkon nochiuas se grabación?

• ¿Tlenon kichiuaj kokonej akin nokuikatiaj niman inchanejkauan ijkuak inochiuas se grabación?

• ¿Katlejua tlakuikaltin itech Tekiuajyotl tikinuelita, niman tleka?