Jehová kita ika melak ueyi kijtosneki ijkuak se tlakatl niman se siuatl nonamiktiaj, niman yejua kijtoua ika akin yononamiktijkej noneki nochipa san sekan manemikan (Mt 19:5, 6). Ipan ikalpan Jehová, nemij miyekej akin yononamiktijkej niman melak yolpakij. San ika, pampa tinochimej titlajtlakolejkej, nochipa uajnesi tlauejli. Ijkuak nenkipiyaskej tlauejli, maka xnemilikan nemoxeloskej noso nemokauaskej. ¿Kenon se akin kichiua ken Cristo uelis kitlajpiyas ixnamik?

Matikitakan makuijli tlen techpaleuis.

1. Xtlajpiya moyoltsin, maka xteixuetskili ijkuak yakaj mitsixuetskilis niman maka xkita kampa nesi auilnemilistli. Yejuin kimijtlakoua akin yononamiktijkej (Mt 5:28; 2Pe 2:14).

2. Xmokojtili kuajli iuan timouikas Jehová niman xyejyeko xchiua tlen Jehová kineki makichiuakan akin yononamiktijkej (Sl 97:10).

3. Nochipa xkinteititi kualneskayomej tlen ualeuaj itech toTajtsin niman xkititi moixnamik ika tiktlasojtla, yejon kichiuas kuajli manomachili (Col 3:8-10, 12-14).

4. Xmonojnotsakan niman xmotlakaitakan (Col 4:6).

5. Ijkuak timotekas iuan moixnamik, xkititi ika tiktlasojtla niman tikmaluiya (1Co 7:3, 4; 10:24).

Ijkuak akin yononamiktijkej kitlakaitaj innamiktilis, kitlakaitstokej Jehová akin okitlali namiktilistli.

XKITAKAN VIDEO NONEKI TOTLALOSKEJ IKA TLAXIKOUILISTLI: MATIKCHIUAKAN IJKON KEN NOTLAJTLANI KAMPA NOTLALOUAJ, SAKIN XNANKILIKAN YEJUIN:

• Maski akin yononamiktijkej kachtopa kuajli nouikaj, ¿katlejua tlaueltin uelis kixnamikiskej?

• ¿Katlejua tlaxeloltin uelis kipaleuis akin kimachilia ika xnotlasojtla iuan ixnamik?

• ¿Tlenon kinnauatia Jehová akin yononamiktijkej?

• ¿Tlenon noneki kichiuas teueuentsin niman tesiuauj niman ijkon uelis san sekan yolpakiskej?