¿Tlenon tikixnamiki mojmostla? ¿Titajtli niman melak timokojtilia tikchiuas tlen noneki niman ijkon tikintlajpiyas mochanejkauan? ¿San tejua tikimiskaltia mokoneuan niman xmitsajxilia motomintsin? ¿Timomachtia niman mocompañeros san tlemach mitschiuiliaj niman mitsijliaj? ¿Tikualo noso titlajyouiya pampa itiueuentsin noso itilamajtsin? Tinochimej tikpiyaj tlauejli, san ika, sekimej tokniuan inpan uajnosentlalia miyek tlauejli. Tipakij pampa xok uejkaujtipan popoliuis nochi yejuin tlen techtlajyouiltia (2Co 4:16-18).

Niman maski tikixnamikij tlen melak ouijtika, tiyolseuij pampa tikmatstokej ika Jehová techasikamati, kipatiojkaita ika timelajkanemij niman titlaxikouaj, noijki techijlia ika techteochiuas ika tlayekapan (Jer 29:11, 12). Jesús noijki kinektok techpaleuis. Noneki tokojtiliskej chikauak tiktekichiuiliskej Jehová. Jesús techijlia: “Nemouan ninemi” (Mt 28:20). Tla titlanemiliaj itech kenon iTekiuajyo toTajtsin techmakixtis, kichiuas manoskalti totlamachialis niman techpaleuis más matikinxikokan totlaueluan (Ro 8:19-21).

XKITAKAN VIDEO IJKUAK TIKIXNAMIKISKEJ TLEN OUIJTIKA, MATIKCHIUAKAN KEN CRISTO, SAKIN XNANKILIKAN YEJUIN:

• ¿Kenon yotoxelojkej itech toTajtsin niman tlenon yopanok ipampa yejon?

• ¿Tlenon ipan nochiuas akin melajkanemij itech Jehová?

• ¿Tleka tikijtouaj ika uelis tikchiaskej itlaj tlen melak kualtsin?

• ¿Tlenon melak tikuelitaskia tikitas?