Tichantij kampa temachtiaj ika tlen kuajli xkuajli niman ika tlen xkuajli kuajli (Is 5:20). Teajman, ika miyekej kichiuaj tlen Jehová kitlauelita, sekimej tlakamej kichiuaj tlen xkinamiki iuan tlakamej niman siuamej noijki kichiuaj tlen xkinamiki iuan siuamej. Akin imiuan nomachtiaj tokoneuan niman oksekimej, ueliskej kichiuaskej ika tokoneuan makichiuakan ken yejuamej kichiuaj. Tajtin, ¿kenon uelis nenkinpaleuiskej nemokoneuan ijkuak kixnamikiskej yejuin?

Xkinmachtikan itlanauatiluan Jehová (Le 18:3). Xkinmachtijtiakan tlen kijtoua Biblia itech sexo (Dt 6:7). Xmotlajtolti: “¿Yonikinmachtij nokoneuan kenon kinamiki mamitsititikan ika mitstlasojtlaj? ¿Kimatij ika melak noneki timotlakentis ken kinamiki? ¿Kasikamatij ika noneki makintlakaitakan? Niman ¿kimatiskiaj tlenon kichiuaskiaj tla yakaj kinekiskia kimititis tlaixkopinaltin kampa nesi auilnemilistli noso kimijliskia makichiuakan itlaj tlen xkuajli?”. Tla mokoneuan kimatij nochi yejuin, xkipiyaskej tlauejli (Pr 27:12; Ec 7:12). Ijkuak tikinpaleuiyaj tokoneuan, tikteititiaj ika tiktlasojkamatij tetlayokolijli tlen Jehová yotechmakak (Sl 127:3).

XKITAKAN VIDEO MATIKCHIJCHIUAKAN SE KAJLI TLEN MATLAXIKO: MATIKINTLAJPIYAKAN TOKONEUAN ITECH “TLEN XKUAJLI”, SAKIN XNANKILIKAN YEJUIN:

• ¿Tleka miyekej tajtin ouijtika kitaj tlajtoskej itech sexo imiuan inkoneuan?

• ¿Tleka noneki ika tajtin makimiskaltikan inkoneuan ken Jehová kineki? (Ef 6:4).

• ¿Kenon ikalpan toTajtsin yokinpaleui tajtin mauelikan makinmachtikan inkoneuan? (w19.05 12).

• ¿Tleka noneki ika tajtin kuajli manouikakan imiuan inkoneuan achto ika kixnamikiskej tlen xkuajli?