Jehová melak mitspatiojkaita (Is 43:4). Yejua omitspaleui kuajli iuan xmouika niman xnemi ipan ikalpan. Aman tejua tiiyaxka Jehová pampa itech yotimosentemakak niman yotimoapolakti. Pampa yejua melak mitstlasojtla, mitspaleuis maski tikixnamikis tlen melak ouijtika niman mitsititis itlasojtlalis tlen xtekaua itechkopa ikalpan (Sl 25:10).

Ijkuak tikitaj kenon ikalpan Jehová kinpaleuiya tokniuan kampa tlaixpoliui, más tiktlasojkamatij ika techititia itlasojtlalis tlen xtekaua.

XKITAKAN VIDEO TLEN YOKICHIUJ GRUPO AKIN KIYEKANA TEKITL (2019), SAKIN XNANKILIKAN YEJUIN:

• ¿Kenon Grupo akin kiyekana Tekitl yokinpaleui sucursales para kimatiskej tlenon kichiuaskej ijkuak panos tlen xkuajli?

• ¿Tlenon okichiuj ikalpan Jehová niman ijkon kimijlis tlenon kichiuaskej tokniuan akin chantij Indonesia niman Nigeria?

• Itech nochi tlen okichiuj ikalpan toTajtsin ijkuak panotoya kokolistli COVID-19, ¿tlenon más otikuelitak?