XMOMACHTI MELAK KUAJLI XTENOJNOTSA | MELAK XYOLPAKI IJKUAK TITENOJNOTSA
Xkinpaleui akin tikinmachtia mauiyan tlanechikoltin
Tlanechikoltin techpaleuiyaj kuajli matikueyichiuakan Jehová (Sl 22:22). Nochimej akin nosentlaliaj para kiueyichiuaj toTajtsin melak yolpakij niman kinteochiuaj (Sl 65:4). Tla akin tikinmachtiaj yauej tlanechikoltin, más totoka chikauis intlaneltokil.
¿Kenon uelis tikinpaleuis akin tikinmachtia mauiyan tlanechikoltin? Miyekpa xkimijli mauiyan. Xkimititi video ¿Tlenon nochiua kampa tosentlaliaj? niman xkimijli kenon kinpaleuis tla yauej (lff tlamachtijli 10). Uelis tikimijlis tlenon yotiuel ipan tlanechikojli noso uelis tikimijlis tlenon nopanoltis ipan okse tlanechikojli. Xkinmaka amatlajkuiloltin tlen tikintekitiltiaj ipan totlanechikoluan noso xkimijli makalakikan ipan JW Library® niman makipachouilikan kampa kijtoua “Reuniones”. Noijki, melak tikinpaleuis tla imiuan tiauj. Ijkuak akin tikmachtia yas tlanechikojli, tikitas ika nochi tlen tikchiua melak tepaleui (1Co 14:24, 25).
XKITAKAN VIDEO MATIKINPALEUIKAN AKIN TIKINMACHTIAJ MAUIYAN TLANECHIKOLTIN, SAKIN XNANKILIKAN YEJUIN:
-
¿Kemanon Rita okiyolchikauj Coral mauiya tlanechikoltin?
-
¿Tleka melak tiyolpakij ijkuak tikitaj ika yakaj akin nomachtijtika Biblia peua yauj tlanechikoltin?
-
“Dios melauak nemotsajlan nemi”.
¿Kenon onomachili Coral ijkuak oyaj tlanechikojli?
